Popular Bible Verses from MATEO 24

Share

Gomme ka go ata makgopo go tlo notlega lerato la ba bantši. E a tlogo tiišetša go fihla bofelong, ke yena a tlogo phološwa.

Gomme Ebangedi ye ya mmušo wa magodimong e tlo goelelwa lefaseng ka moka gore e be bohlatse mo go ditšhaba tšohle; ya tlo ba gona bofelo bo fihlago.

Mohla le kwago dintwa le mekgoši ya dintwa, le bone gore le se tšhoge. Tše bjalo, di swanetše go ba gona; fela, ga se bjona bofelo.

Gobane setšhaba se tlo tsogela setšhaba; mmušo o tlo tsogela mmušo; gomme go tlo ba le ditlala le dinkhu, le ditšhišinyego kua le kua. Tše ka moka e tlo ba ona mathomo a ditlalelo.

Legodimo le lefase di tlo feta; gomme dipolelo tša ka di ka se ke tša feta.

Gobane ke ba bantši ba ba tlo go tla ka leina la ka ba re: Ke nna Kriste! Ba tlo fora ba bantši.

Mehleng yeo ba tlo le gafela tlaišong; ba tlo le bolaya; le tlo ba ba go hloiwa ke ditšhaba tšohle ka baka la leina la ka. Mehleng yeo ba ba tlogo kgopjša e tlo ba ba bantši; ba tlo ekana, ba tlo hloyana. Go tlo ba le baporofeta ba bantši ba maaka ba go tlo fora ba bantši.

Jesu a fetola a re: Le bone gore le se tlo forwa ke motho.

Le lena dulang le itokišitše, gobane Morwamotho o tlo tla ka nako ye le sa e gopolego.

Ke gona phakgamang, gobane nako ya go tla ga Morena wa lena ga le e tsebe.

Ge e le letšatši leo, le nako ya tšona, ga go e a di tsebago. Le barongwa ba magodimong, le yena Morwa, ga ba di tsebe. Go tseba Tate a nnoši.

Gobane go tlo tsoga boKriste ba maaka, le baporofeta ba maaka, ba tlo tšweletša mehlolo e megolo le matete, gore, ge go kgonega, ba fore le bona bakgethwa.

Maboong a Morwamotho go tlo ba bjalo ka mehleng ya Noage. Ba tlo dira tše ba di dirilego mola meetsefula a sešo a tla, ge ba eja, ba enwa, ba nyala, ba nyadiša, gwa ba gwa tla tsatši le Noage a tsenego polokelong ka lona. Ba be ba sa šetše selo; meetsefula a ba a tla, a ba tšea ka moka. Le maboong a Morwamotho go tlo ba bjalo.