Popular Bible Verses from JEREMIA 23

Share

A motho a ka yo utama mo go sa tsebjego, ka se ke ka mmona? A ga se nna ke tletšego magodimo le lefase? O realo Morena.

Morena o re le tsebe gore go tlo tla matšatši, a ke tlogo tsošetša Dafida lehlogedi la makgonthe; e tlo ba kgoši e bušago e tlogo tšweletša molao le toko nageng. Mehleng yeo Juda o tlo phološwa, Isiraele o tlo dula a iketlile; mme leina le ba tlogo mmitša ka lona šele Morena toko ya rena.

Kotsi e tlo wela badiši ba ba senyago dinku tša mafulo a ka, ba di tšitlanya! O realo Morena.

Gomme nna ka noši ke tlo phutha mašalela a dinku dinageng ka moka tše ke di raketšego go tšona, ka di bušetša merakeng ya tšona, di tle di tswale di ate. Ke tlo di beela badiši, mme bona ba tlo di diša, di se hlwe di boifa di tšhoga gwa se be le e hlokwago. O realo Morena.

Morena wa mašaba o re: Le se ke la theetša mantšu a baporofeta bao le porofetelwago ke bona, ba le dira tša maphalo, ba le botša pono tša maithatelo; ga ba botšwa ke Morena.