Popular Bible Verses from Joni 21

Share

Nantera ne'zama nehna hutageno, Jisasi'a Saimon Pitanku huno, Saimon, Joni nemofoga, kagra ama vahe'zga zamagterenka Nagrikura kvesinenantampi? Huno antahi'gegeno, Ozo Ramoka, Kagra antahi'nane, nagra navesi negantoe. Jisasi'a asmino, sipisipi nagani'a ne'za zamio. Jisasi'a tare zupa mago'ene asmi'ne, Saimoni, Joni nemofoga, Nagrikura kve'nesio? Ozo, Ramoka, Kagra antahi'nane nagra Kagrira navesi negantoe, Jisasi agriku hu'ne, Sipisipi zga'ni'a kegva huo. Jisasi'a tagufa zupa ana kege huno asmi'ne, Saimon, Joni nemofoga, Nagrikura kvesi nenantano? Higeno Pita'a arimpa kna hu'ne, na'ankure tagufa zupama Nagrikura kve'nesio? Huno antahigea zankure. Pita'a Agriku hu'ne, Ramoka, Kagra maka'zana antahi'nane. Nagrama navesi negantoana Kagra antahi'nane. Higeno Jisasi ke nona'a asmino, Sipisipi zga'ni'a ne'zana zamio hu'ne.

Tmagerfa hu'na negasmue, Kagrama kahefa'ma mani'nantera kenakarera kamu'nofi hunka kvesi'zante kana vano hu'nane, hianagi ranafa resunka, kzana rutaresanke'za rumo'za kagrira kukena hugante'za, ovuku hanantega kavare'za vugahaze.

Agra zamasmino, kukon tmia eritma ventemofo tmaga kazigati omo atretma, mago'a nozamea avazu hugahaze. Hige'za ana kukoma atrete'za, avazu hu'zanku kasgeke hu'naze, na'ankure rama'a nozamemo ana kukompi frevitege'za ana hu'naze.

Saimon Pita zamasmino, nagra nozame kuko atreku nevue higeno, tagra anazanke huta magoka vugahune, nehu'za ventefi mreri'za vu'naze. Ana kengera magore hu'za nozamea avazu osu'naze.