Popular Bible Verses from Afositolo 4

Share

Bana Yesu anakaibe againe kibababala kananuhagana. E, Yaubada Bana ana egana ide tomiyababi giveleda, ada keke tamo hakwadi velugana babiya gimiyami-ma gidavegideni be bana ana eganeya kibababala adafaiweya kananuhagani.” Hidedemi Fita gigahedi.

Ada hive'o'ola gihavaina, manuwa againe hivaga'auta-ma gili'uli'u, kadu Alu'aluwa Mahalina badi moya'aidi givemagadi, ada hivebutu Yaubada bonana yadi wa'asevatu hilulumamalena.

Ho Kaiwabu, au badi Koniselo yadi hawata unanuwenuwena ada ime ya tofaisewa unafaiwalavelema be yama wa'asevatu O bona analumamalena.

Bana fa'ine gahetalahobuhobu sa'eyana Veyao Tuwaina ana bukiya gidadauda gigayo, Ogola omi manuwa ana to'aiyogona wakilowena medema giveholili'abi.

Tu badi miYuda yadi Koniselo Fita Yoni yadi asevatu hi'itana againe, nuwadi givegafo'uya'uya, kadu badi afositolo kaliva-kawowo keke hidasikulu-ma hi'ayaunedi againe, nuwadi givegafo'uya'uya. Ada au badi boi Yesu hiveve'alunena ma nuwadi gi'afolena.

Tu tovetumagana moya'aidi yadi nuwanuwa au sa'eyana, kadu adi ayauna au sa'eyana. Keke tamo hakwadi gidagahe gidagayo, “Yaku gaitoma au tauku akukaibe fa'ikuya.” Au adiga yadi lokoloko yadi gava'adi taudiyao agaidiya hifolafolakena.