Popular Bible Verses from Mako 14

Share

“Nanga Tata, nuni ulume pali manda teleno kene na mindili noli no mingine no nombómo ‘Naa nambo.’ nieni. Nalo ‘Nane tepolie nanu konopu simbo.’ konopu lekero mele naa teambo. Nuni kanoko peanga kanoni ulumu mindi teambo.” nirimu.

‘˻Kurumenga nomi Setenene˼ olio kondi tomba kinie tepo kenjimolo kene.’ ningulie ˻uru naa peko˼ Pulu Yemo kinie ungu ningu kanoko kondoko molayo. Sike ‘tepo kondamili.’ nimbu konopumene pilimolo nalo temolondo kangimu siye tepa tondolo naa pulimo.” nirimu.

Nane enondo paa sike nimbu sikirumu: Ma koleamanga pali ˻nanga˼ temane peangamo andoko toko singe kinie i ambomone kinié temu temanemo kepe ‘Yembomane pilkulie ‘Yuni tepa kondorumu.’ ningu piliengi!’ ningulie aku temanemo toko singela.” nirimu.

Yuni enondo nimbendo: “Nanga konopune umbune paa awili te tepamo kene na kolkoro none tekemo. Eno uru naa peko, ya kanoko kondoko molaa.” nirimu.

Eno langi nongo moloringi kinie Yesusini berete te lipe Pulu Yemo kinie “Ange.” nimbelie ambolopa pike lepa ˻yu lombili andolime˼ sipelie nimbendo: “I mu nanga kalumu eno liku ˻nangi˼.” nirimu.

Pe no waene kapo te lipelie Pulu Yemo kinie “Ange.” nimbe eno sirimu kinie enone pali ˻kanu no waenemo˼ noringi. Yuni nimbendo: “I ˻no-waene˼ sikirumu nanga mememo. Pulu Yemone ˻yu kinie yunge yemboma kinie molonge mele˼ ungu te nimbe panjipe mi lierimu kanu ungumu ‘Kamu wendo omba pepili.’ nimbu yembo awisilinge nimbu nanga mememo ondo lendepolie ˻kolombo˼ aku mememo imu.

Kanu kinie Yesusini lombili andolimendo nimbendo: “Pe ˻opa puluemane na-kinie tengemonga kanokolie˼ enone pali na munduku siye kolonge. Aku siku tenge mele Pulu Yemone ou nirimu yunge bokune molemo kanumu. Pulu Yemone ˻ungu iko te topalie˼ nimbendo: “‘‘Kongi sipisipi tapu yemo tangi.” nimbo, yu tonge kinie sipisipime bulu-balu ninge.” nirimu, ˻aku mele kinié wendo ombá˼.

Ola angilku pamili wame! Na lipe anjo simbe yemo okomo kanaa!” nirimu.

Yesusini topondopa nimbendo: “Nane nu paa sike nimbu sikirumu: Paa kinié ipulueli, kera gulta wale talo sipemo ou ko naa topili nuni pipili kolkolie wale yepoko nando kolo toko “Yu naweye? Na naa kanolio.” nini.” nirimu.