Popular Bible Verses from Lipe Mundorumu Yema 4

Share

Yembo tene lupe olio manda naa lipe tapondomba. Ma koleamanga pali yembo tene lupe ‘Olio lipe tapondopa mindili nolemela aulkena wendo lipe, molopo kondomolo aulkena lipe mondopili.’ nimbu imbi lepo walsimolo yembo te lupe molo. ˻Yesusi Kirasi yuyu mindi.˼” nirimu.

Aku siku Pulu Yemo kinie ungu ningu pora siringi kinie ulke moloringimu jimi jimi mele tepa, Mini Kake Telimu eno kinie molopa kapola terimu kulu pipili naa kolko Pulu Yemonga ungumu tondolo munduku yemboma andoko ningu siringi.

Kanumunge Awilimu, kinié olio-kinie enone “Temolo.” ningu olio ningu pipili kondokomele mele nuni pilkulie, nunge kendemandema nunge ungumu ningendo pipili naa kolko sumbi siku niengi kene liku tapondoyo.

Konana te tokolie ungu iko toko niringi mele isipe: ‘Ulke takoringi yemane kanoko keri kanoringi toko lteringi kou kanumu kinié kelepa ulke simu mele ulke enge sindeli kou awili peangamo.’ niringi kanu koumu yu. Kanu koumu lteringi yema eno Isirele yema.

Pita Jonoselo pipili naa kolkolo ungume sumbi siku niringili kanoko, elo sukuli naa tekolo we umbu yeselo moloringili kanokolie eno konopu awisili liku mundukulie, ‘Iyeselo ou Yesusi pea tapu toko andoringili yeselo lepamo.’ ningu pilieringi.

‘Yesusi yu sike ˻Pulu Yemone “Lipu mundumbo.” nimbe mako torumu ye nomi Kirasimu.’˼ ningu tondolo munduku pilieringi yemboma kapola kapola molko eno konopu telune pupili moloringi. Yembo te yunge mele noserimume ‘nanga manjipe’ naa nimbe, ‘olionga pea’ ningu tere leko noseringi.