Popular Bible Verses from Romaned 14

Share

rak rouantelezh Doue n’emañ ket an debriñ pe an evañ, met reizhder, peoc’h ha levenez er Spered-Santel. An hini a servij Krist en doare-se a blij da Zoue hag a vez kavet mat gant an dud.

Mar bevomp, e vevomp evit an Aotrou, ha mar marvomp, e varvomp evit an Aotrou. Pe eta e vevomp, pe e varvomp, ez omp d’an Aotrou.

Klaskomp eta an traoù a gas d’ar peoc’h hag a c’hell kenteliañ an eil egile.

N’en em varnomp mui eta an eil egile, met kentoc’h barnit penaos na dleit ket lakaat un maen-kouezh pe reiñ un abeg a wallskouer d’ho preur.

Rak skrivet eo: Me a zo bev, eme an Aotrou, pep glin a blego dirazon ha pep teod a roio gloar da Zoue. Evel-se pep hini ac’hanomp a rento kont da Zoue evitañ e-unan.

Degemerit an hini a zo dinerzh er feiz hep tabut diwar-benn e soñjoù.

Piv out-te evit barn servijer unan all? Mar dalc’h en e sav pe mar kouezh, d’e vestr eo da varn anezhañ. Met e chomo e en sav rak Doue a zo galloudus evit e lakaat da chom en e sav.