Popular Bible Verses from Jakez 1

Share

Va breudeur, sellit evel ul levenez vras an temptadurioù a bep seurt en em gav ganeoc’h, o c’houzout penaos amprouenn ho feiz a laka ar basianted da sevel ennoc’h.

Ma vank furnez da unan bennak ac’hanoc’h, ra c’houlenno digant Doue a ro d’an holl gant largentez hep rebech, hag e vo roet dezhañ.

Evel-se va breudeur karet-mat, ra vo pep den buan da selaou, gorrek da gomz, gorrek da gounnariñ

Ha ra zeuio ar basianted da gas hec’h oberenn da benn, evit ma viot peurvat ha peurc’hraet hep mankout e netra.

Bezit oberourien eus ar ger, ha na vezit ket selaouerien hepken oc’h en em dromplañ hoc’h-unan dre arguzennoù fals.

Eürus an den a c’houzañv an temptadur, rak goude bezañ bet amprouet, e resevo ar gurunenn a vuhez en deus an Aotrou prometet d’ar re a gar anezhañ.

pep gras dispar ha pep donezon peurvat a zeu eus an nec’h hag a ziskenn eus Tad ar sklêrijenn, na vez ennañ na kemmadur na skeud a cheñchamant.

Rak mar d-eo unan bennak ur selaouer eus ar ger ha nann un oberour, ez eo heñvel ouzh un den a sell ouzh e zremm naturel en ur melezour ha, goude bezañ sellet outañ, a ya kuit hag a ankounac’ha kerkent penaos e oa.

Ar relijion glan ha dinamm dirak Doue hon Tad, eo gweladenniñ an emzivaded hag an intañvezed en o glac’har, hag en em virout diouzh saotroù ar bed.

Ra ne lavaro den pa vez temptet: Doue eo a dempt ac’hanon. Rak Doue ne c’hell ket bezañ temptet gant an droug hag e-unan ne dempt den. Met pep hini a zo temptet pa’z eo sachet hag hualet gant e zroukc’hoant e-unan.

Ra gavo gloar ar breur a stad izel pa vez uhelaet