Popular Bible Verses from Mak 14

Share

Aatum kapta tii alugum kuguup boyo kanube-namap kale, kabo kuguup mafak meng, nafak daalan o angbu boyo fegelebelapta, nimkaluk o agan-bii kuta, nimi aget fugun-bom, ‘Aatum kabo bota fegelebelapta, nimkaluk o,’ agan-bii boyo ku kanumin ba kale, kalapmi aget fugunin uta kup ku kanubelan-temap boyo tambaliim o,” agela ko.

Saatan iyo, ibo uget taga-bilita, yang fenga kolip kalaa agelan o age-nalata, ibo im-kugu-be kale, ipmi aget fugunin uyo, kuguup tambal uta kup kemum o agan-bilip kuta, ipmi titil uyo katip kale, yang kuguup mafak uyo keman-temip kale, ibo asok agaal unemin ba kale, kupkaa kafan bom God iyo dagaga-bilipta, dong daga-e-balata o,” agela ko.

Kale koyo dam weng kup bogobelan-temi kale, son-temu nala unang tinum imi tebe kafin kaa kutufosu komi tiine-bom nimi weng tambal kupka-em tiineman-temip uyo, unang bomi kuguup tambal ko kopnelu bomi sang uyo baga-em tiine-bom-nilipta, bomi win uyo suun kufu-eman-temip o,” age Yesus iyo baga-ema ko.

ninggil imi bogobe-nala e, “Niyo utamita, kota nangkolip kaanan-temi kalaa ageta nimi aget tem uyo atin iluum afek kup tebepnelu kale, niyo yang kugol God imi beten ke-emi kale, ipkil kagal fen-bom-nilip e, telela bigi siin o,” age-nala e

Kale Yesus ninggil iyo iman uyo un-bom-nilip e, Yesus iyo bret maagup maak ku-nala e, God iyo, “Misam o,” age kupkaa fegela ko ilami okumop man iyo ife-bom-nala e, bogola, “Koyo nimi dam kale, ku-nilipta, unelin o,” agela e, ku-nilip e, unelip ko.

Kale tam sok dum ok maak ilu ko-nala e, God iyo, “Misam o,” age-nala e, ilami okumop man iyo ifela e, alugum bilip iyo unelip e, bilip imi bogobe-nala e, “Koyo nimi isak kale, nimi nangkolan-temip uyo, nimi isak singkam daa-nulu God imi kamaa weng umi de ko-nulu unang tinum kwiin tagang imi dong dogobelan-temu uta ko.

Kale Yesus ninggil iyo ilep abe-bom-nilip e, Yesus iyo bogobela, “Siit-nilipta, alugum ibo nimka-nilipta, bilii daaginon-temip kale, God imi suuk kon tem weng sugayok dola kosip uyo bomi sang uyo bogo-nulu e, ‘God nita waasi iyo imkalita, tebe sipsip tiin molin tinum iyo angkolipta, sipsip iyo alugum bilii daagine-bala tele-bala kelan-temip o,’ agesu kale, mungkup ipta ko kanubelan-temip ko.

tilipta, unum a. Tinum nimi nimkem daala nangkolan-temip iyo no, atam-nilita o ageta talan-be kale, no abu daalupta o,” age Yesus ilami okumop man imi bogobela ko.

Yesus isiik Fita imi bogobe-nala e, “Nugum kabaa. Niyo tuluun weng bogopkelan-temi kale, tinangku-salapta. Kamano mililep kota uun kakaluk aalap iyo olan-bii ilep alop fagalin-tem bom-salata, kabo nimi sang uyo bogopne-nalap e, ‘Beyo nimi duup ba o,’ nage yakyak bii, ilep asuno fagalan-temap o,” agela e minte