Popular Bible Verses from 1 Korin 6

Share

Kale ipmi iibak tem kwek uyo God imi Sinik Tambal imi am amem o agesa uyo ibo utamsaalip aga? Kale God iyo ilami Sinik iyo ibo dobelata, ipmi iibak tem kwegal alba kale, ipmi kaal boyo fen ilipmi ba kale, God iyo tisol afek ko age Yesus Krais imi isak uta ku ibo asok molata, ipmi kaal boyo God ilami aligaap ke-suu kale, ibo yaan kuso sagaal kuso dam kusino alugum dagak diibe kuguup tambal uta kup ke-bilipta, kek kek iyo God imi tok uyo baga-bilipta o ageta ko.

Kale tinum kuguup mafak waafulin iyo God imi abiip uyo unon-temaalip o agesu boyo ibo utamsaalip aga? Ipmi aget fugunin uyo, finanin weng boyo bisop bagan-bo kale, nuyo tambaliim tam unon-temup o agan-kalin ba kale, utamin. Tam tinum sa dagamin min, men amem aman duga-emin min, unang digin tinum digin umi kuguup kufak dagamin min, tinum alop tebe imak kela kalel kela ke maagup sinamin min, minte tinum yuguut unin min, ipkumal imi mufekmufek umi mok une-bom daga-emin min, ok mafak unan-bii ilum ilum kemin min, ipkumal weng mafak baga-emin min, ipkumal imi mufekmufek kalan kegal aa-bom daga-e-bom kemin tinum bilip iyo tam God imi abiip uyo unon-temaalip binim kuba.

Kale ibo sa dagamin kuguup boyo kupkek kupkek ke-bom-nilipta o ageta kale, tinum iyo yak alugum fengmin migik bomi fengam-nuubip boyo ilimi iibak tem kwegal kanum-nuubaalip kale, mitam sep kal kanum-nuubip kuta, tinum iyo sa dagaman-tema bota tebe fen imi iibak tem kulaak uyo atin kufak daapman-temu ko.

Kale bole kapmi weng uyo dam bogo-nalap, “Yak alugum mufekmufek albu uyo kanubelan o agan-bii boyo kaal binim kanubelan-temi o,” agan-balap kuta, yak mufekmufek boyo alugum maak tebeta kabo dong dogopkelan-temaalu kale minte, nagal mungkup tii bogo-nili, “Yak alugum mufekmufek albu uyo kanubelan o agan-bii boyo kaal binim kanubelan-temi o,” agelan agin kuta, niyo mufekmufek maagup umaak kupkalita, bota tebe niyo sok de namolin kelan-temaalu ko.

Kale God ilami titil uta Kamogim iyo begel ilet tem uyo dufolata, fen-se kale, nugol mungkup kanube ifola fen mitam tigi mo dam migik uyo ku no kelan-temup ko.