Popular Bible Verses from Nongezi 29

Share

Wahawadumba wanhu koitega mwenyego, lakini yomtamanila Mndewa Imulungu kokala goya.

Kamba habule usenga wa mtula ndagu, wanhu ochola chakachaka, vinoga kwa munhu ija yogagoga malagizo.

Mbozi koilagusa kunze kunze ng'hasiliki yake, lakini munhu yeli na ubala koikimila.

Mbalati na kuzumigwa vogala ubala, lakini mwana yolekigwa yatende viyolonda komgela kinyala mamake.

Mzume mwanago na heyo kokugwaa tindiwalo, heyo kounogeza moyo wako.

Kibuli cha munhu chomtenda yabezigwe, lakini yeli muhole kotegelezigwa.

Mwene kugevuzika kogala ugomvi, na munhu yeli na ng'hasiliki ya himahima kobananga mengi.

Wahamona munhu kohabuka chakachaka, kuna tamanilo kwa zozolo kubanza heyo.