Popular Bible Verses from Marcos 11

Share

Kaya matuod an ginasabi ko sa iyo, bisan nano man an ayuon niyo sa iyo pangadyi, magtuod na nabaton na kay ina mapapasa iyo.

Matuod an ginasabi ko sa iyo: an magsabi sani na bukid, ‘Gabot kag ipilak an sadiri mo sa dagat,’ na waraʼn pagduha-duha sa iya tagipusuon kundi nagatuod na an iya ginasabi mangyayari, ini hihimuon san Dios para sa iya.

Sa iyo naman pagpangadyi na nakatindog, patawada anay an mga nagkasala sa iyo agod patawadon man san Ama sa langit an iyo mga nahimo na kasal-an.

Ginsabat sinda ni Jesus, “Magtuod sa Dios.

Tapos gintukduan niya sinda kag ginsabihan, “Dili ba nasurat na an ginsabi san Dios: ‘An akon balay amo an balay para sa tanan na katawuhan kag an pagatawagon sana amo an balay na pangadyian?’ Pero nano an ginhimo niyo? Ginhimo niyo ini bilang ‘istaran san mga makawat.’”

An mga tawo na nagkauruna sa iya kag san nagasurunod nagasiriyak sin, “Hosanna! Ginpalabi ini siya na nagapakadi sa ngaran san Ginoo!”

“Ginpalabi san Dios an nagaabot na hadi na masubli kan Hadiʼn David na aton kalulululuhan! Umawon an pinakalabaw sa tanan!”