Popular Bible Verses from Salamo 91

Share

Izaho dia hilaza an’NY TOMPO hoe: Fialofako sy manda fiarovana ho ahy Izy, Andriamanitro izay itokiako!

Ny mitoetra ao amin’ny fierena izay an’ny Avo Indrindra dia monina eo ambanin’ny aloky ny Tsitoha.

Hiantso Ahy izy dia hamaly azy Aho; ho eo aminy Aho raha ory izy; hanafaka sy hanome voninahitra azy Aho.

Fa Izy handidy ny anjeliny ny aminao mba hiaro anao eny amin’izay rehetra alehanao

Ny volon’elany no hanaronany anao ary ao ambanin’ny elany no hialofanao; Ho ampinga kely sy ampinga lehibe ny fahamarinany.

Satria hoy ianao: TOMPO ô, Ianao no aroko! Sady nataonao ho fonenanao ny Avo Indrindra, dia tsy hisy loza hanjo anao, na aretin-dratsy hanakaiky ny tranolainao.

Fa Izy no hanafaka anao amin’ny fandriky ny mpihaza sy ny areti-mandoza.

Na dia hisy arivo lahy aza no lavo eo anilanao sy iray alina eo ankavananao dia tsy hihatra aminao izany.

Tsy hatahotra ny horohoro nony alina ianao, na ny zana-tsipìka manidina nony andro, na ny areti-mandringana mandeha amin’ny maizina, na ny fandringanana mandripaka amin’ny mitataovovonana.