Popular Bible Verses from Ohabolana 16

Share

Ankino amin’NY TOMPO ny asanao dia ho tanteraka izay nokasainao.

Ny fon’ny olona dia mihevitra tsara ny halehany, fa NY TOMPO ihany no mahalavorary ny diany.

Toho-tantely ny teny mahafinaritra ka sady mamin’ny fanahy no fanasitranana ho an’ny taolana.

Ny fikasan’ny fo no an’ny olona, fa ny famalian’ny lela dia avy amin’NY TOMPO.

Tsara ny olona mahatsindry fo noho ny mpiady mahery ary izay mahafehy ny fahatezerany noho izay mahafa-bohitra.

Ny fiavonavonana dia mialoha ny fahapotehana ary ny fanahy mirehareha dia mialoha ny fahalavoana.

Ataon’ny olona ho madio avokoa ny lalana rehetra alehany, fa NY TOMPO no mandanja ny fanahy.

Izay mandinika ny teny no hahita soa ary izay matoky NY TOMPO no ho sambatra!

Aleo ny kely omban’ny fahamarinana toy izay ny tombony be azo amin’ny tsy rariny.

Misy lalana ataon’ny olona ho mahitsy, kanjo ny iafarany dia lalana mivarina any amin’ny fahafatesana.

Mamafy fifandirana ny mpivadika ary mampisaraka ny tena mpisakaiza ny mpifosa.