Popular Bible Verses from Nomery 22

Share

Dia nosokafan’NY TOMPO ny vavan’ny boriky ka hoy ny boriky tamin’i Balama: Inona no nataoko taminao no dia nokapohinao fanintelony aho izao?

Dia nampahiratin’NY TOMPO ny mason’i Balama hahita ilay Anjelin’NY TOMPO mijoro eo an-dalana sady mitana ny sabany efa voatsoaka eny an-tanany; dia niondrika tamin’ny tany i Balama.

Ary hoy ilay Anjelin’NY TOMPO taminy: Nahoana no nikapoka ny borikinao intelo ianao? Indro Aho no niainga mba hisakana anao satria hitako fa mivarina amin-doza ny lalanao.

Ary hoy ny boriky tamin’i Balama: Tsy borikinao va aho, izay nitaingenanao hatrizay nanananao ahy ka mandraka androany? Moa efa fanaoko va ny manao toy izao aminao? Dia hoy izy: Tsia!

Dia hoy i Balama tamin’ny boriky: Satria namazivazy ahy ianao! Raha izao no nisy sabatra tetỳ an-tanako dia matiko mihitsy ianao ankehitriny.

Ary nahita ilay Anjelin’NY TOMPO ny boriky ka nandry teo ambanin’i Balama. Dia nirehitra ny fahatezeran’i Balama ka nikapoka ny boriky tamin’ny tehina izy.