Popular Bible Verses from Genesisy 45

Share

Ankehitriny anefa, aza malahelo na tezitra amin’ny tenanareo noho ny nivarotanareo ahy ho atỳ, fa hamonjy aina no nandefasan’Andriamanitra ahy hialoha anareo atỳ.

Amin’izany dia tsy ianareo no nandefa ahy ho atỳ fa Andriamanitra; Izy no nametraka ahy ho rain’i Farao sy ho tompon’ny ao an-tranony rehetra ary ho mpanapaka ny tany Ejipta manontolo.

Andriamanitra no nandefa ahy hialoha anareo mba tsy hahalany taranaka anareo amin’ny tany fa hamelona anareo amin’ny famonjena lehibe.

Dia hoy i Josefa tamin’ny rahalahiny: Avia, manatòna ahy ianareo! Dia nanatona ry zareo. Ary hoy i Josefa: Izaho no Josefa rahalahinareo, ilay namidinareo ho atỳ Ejipta.

Roa taona izao no nisian’ny mosary teto amin’ny tany; mbola hisy dimy taona koa tsy hisy hiasan-tany na hijinjana.

Ary hoy i Josefa tamin’ny rahalahiny: Izaho no Josefa! Mbola velona ihany va Ikaky? Ary tsy nahavaly azy ny rahalahiny fa toran-kovitra teo anatrehany teo.