1
Deoteronomia 28:1
La Bible en Malgache
Raha mihaino tsara ny feon’NY TOMPO Andriamanitrao ianao ka mitandrina hanaraka ny didiny rehetra, izay omeko anao anio, dia hasandratry NY TOMPO Andriamanitrao ho ambonin’ny firenena rehetra amin’ny tany ianao
Compare
Explore Deoteronomia 28:1
2
Deoteronomia 28:2
ary ho tonga aminao sy ho azonao izao fitahiana rehetra izao, raha mihaino ny feon’NY TOMPO Andriamanitrao ianao
Explore Deoteronomia 28:2
3
Deoteronomia 28:13
Dia hataon’NY TOMPO ho lohany ianao fa tsy ho rambony; ary ho ambony tokoa ianao fa tsy ho ambany, raha mihaino ny didin’NY TOMPO Andriamanitrao, izay omeko anao anio, ka mitandrina sy manaraka azy.
Explore Deoteronomia 28:13
4
Deoteronomia 28:12
Hovohan’NY TOMPO ho anao ny lanitra, trano fitahirizan-tsoa, ka handatsahany ranonorana amin’ny taninao amin’ny fotoanany ary hotahiny ny asan’ny tananao rehetra. Ary hampisambotra firenena maro ianao fa ianao kosa dia tsy hisambotra.
Explore Deoteronomia 28:12
5
Deoteronomia 28:7
Hatolotry NY TOMPO ho resy eo anoloanao ny fahavalonao izay mitsangana hiady aminao, koa lalana iray no handehanany hanatona anao fa lalana fito kosa no handosirany hiala eo anoloanao.
Explore Deoteronomia 28:7
6
Deoteronomia 28:8
Handidy ny fitahiany ho aminao NY TOMPO amin’ny fitoeram-barinao sy izay rehetra ataon’ny tananao ka hitahy anao Izy any amin’ny tany izay omen’NY TOMPO Andriamanitrao anao.
Explore Deoteronomia 28:8
7
Deoteronomia 28:6
Hotahìna ianao raha miditra ary hotahìna ianao raha mivoaka ny tranonao.
Explore Deoteronomia 28:6
8
Deoteronomia 28:3
Hotahìna ianao ao an-tanàna, ary hotahìna ianao any an-tsaha.
Explore Deoteronomia 28:3
9
Deoteronomia 28:4
Hotahìna ny ateraky ny kibonao sy ny vokatry ny taninao ary ny ateraky ny biby fiompinao, dia ny ateraky ny ombinao sy ny ateraky ny ondry aman’osinao.
Explore Deoteronomia 28:4
10
Deoteronomia 28:9
Hanandratra anao ho firenena masina ho Azy NY TOMPO araka izay nianianany taminao, raha mitandrina ny didin’NY TOMPO Andriamanitrao ianao ka mandeha amin’ny lalany.
Explore Deoteronomia 28:9
11
Deoteronomia 28:5
Hotahìna ny haronao sy ny vilia fanaova-mofonao.
Explore Deoteronomia 28:5
12
Deoteronomia 28:11
Hataon’NY TOMPO manana amby ampy izay hahasoa anao, dia ny ateraky ny kibonao sy ny ateraky ny biby fiompinao ary ny vokatry ny taninao, any amin’ny tany izay nianianan’NY TOMPO tamin’ny razanao homena anao.
Explore Deoteronomia 28:11
13
Deoteronomia 28:10
Dia ho hitan’ny firenena rehetra ambonin’ny tany fa ny anaran’NY TOMPO no antsoina ao aminao, dia hatahotra anao izy.
Explore Deoteronomia 28:10
14
Deoteronomia 28:14
Koa aza miala amin’ny teny rehetra izay omeko anao anio, na ho amin’ny ankavanana, na ho amin’ny ankavia, ka hanaraka andriamanitra hafa hanompo azy.
Explore Deoteronomia 28:14
15
Deoteronomia 28:15
Fa raha tsy mihaino ny feon’NY TOMPO Andriamanitrao kosa ianao ka tsy mitandrina hanaraka ny didiny rehetra sy ny lalànany, izay omeko anao anio, dia ho tonga aminao sy hahatratra anao izao fanozonana rehetra izao
Explore Deoteronomia 28:15
Home
Bible
Plans
Videos