Popular Bible Verses from Mathai 28

Share

Yog le nuav mej ca le moog coj txhua haiv tuabneeg lug ua kuv le thwjtim, hab muab puab ua kevcai raus dej huv leej Txwv, leej Tub hab Vaaj Ntsuj Plig kws dawb huv lub npe, hab qha kuas puab tuav rawv txhua yaam kws kuv tau qha rua mej lawd. Hab kuv naj nub yuav nrug nraim mej moog txug lub swjhawm kawg.”

Yexu txawm txaav lug ze hab has rua puab tas, “Fwjchim taag nrho sau ntuj hab huv nplajteb tub muab cob rua kuv lawm.

Tug tubkhai ntuj txhad has rua cov quaspuj tas, “Tsw xob ntshai, kuv paub tas meb tuaj nrhav Yexu kws raug muab teem rua sau tug khaublig ntoo. Nwg tsw nyob ntawm nuav, nwg tub caj sawv lug lawm lawv le nwg tub has tseg lawd. Ca le lug saib lub chaw kws nwg pw.

Yexu has rua ob tug tas, “Tsw xob ntshai, ca le moog has rua kuv cov kwvtij kuas moog rua Kalilai, puab yuav ntswb kuv hov ntawd.”

Thaus cov pov thawj hlub hab cov kev txwj quas laug tuaj ua ke sablaaj ua ke taag lawd puab txawm muab nyaj ntau ntsaws rua cov tub rog hab has tas, “Mej ca le has tas, ‘Thaus tsaus ntuj kws peb tsaug zug lawm Yexu cov thwjtim tuaj nyag nwg lub cev tuag coj moog lawm.’ Yog tug tswv xeev nov txug tej nuav, peb le maav nrug nwg has, tsw pub mej raug teeb meem.” Cov tub rog txawm txais cov nyaj hov hab ua lawv le puab qha. Mas zaaj nuav nchaa moog rua huv cov Yutai txug naj nub nwgnuav.