Popular Bible Verses from Mathai 24

Share

Vem kev phem nthuav daav zuj zug, tej tuabneeg coob coob txujkev hlub yuav txag quas zug moog. Tassws tug kws thev taug txug thaus kawg yuav dim.

Txuj xuv zoo kws has txug Vaajtswv lub tebchaws yuav raug muab tshaaj tawm thoob plawg lub nplajteb ua timkhawv rua ib tsoom tebchaws, mas thaus ntawd lub swjhawm kawg yuav lug txug.

Mej yuav nov suab ua tsuv ua rog hab nov moo ua rog. Ca le ceev faaj tsw xob poob sab hlo le, tsua qhov tej nuav yeej yuav tsum tshwm lug tassws tsw tau txug thaus kawg.

Ib lub tebchaws yuav sawv tawm tsaam rua ib lub tebchaws, ib tug vaajntxwv yuav tawm tsaam rua ib tug vaajntxwv, yuav muaj kev tshaib nqhes hab ntuj qeg ntau qhov. Tej xwm txheej nuav huvsw yog chiv ua mob teb xwb.

Lub ntuj hab lub nplajteb yuav dua moog, tassws kuv tej lug yuav tsw pluj hlo le.

Tsua qhov yuav muaj ntau leej tuav kuv lub npe lug has tas, ‘Kuv yog tug Kheto,’ mas puab yuav ua rua tuabneeg coob coob yuam kev.

“Lub swjhawm ntawd luas yuav muab mej cob rua kev tswm txom hab muab mej tua pov tseg. Ib tsoom tebchaws suavdawg yuav ntxub mej vem yog tim kuv lub npe. Thaus ntawd ntau leej yuav thim hab ib leeg faav xeeb rua ib leeg hab ib leeg ntxub ib leeg. Yuav muaj ntau tug cuav xwbfwb cev lug tshwm tuaj ua rua tuabneeg coob coob yuam kev.

Yexu txhad teb puab tas, “Ca le ceev faaj tuab zoo tsw xob ca leejtwg ntxag mej yuam kev.

Yog le nuav mej yuav tsum npaaj txhwj tsua qhov Tuabneeg leej Tub yuav lug rua teev kws mej tsw ncu xaav txug.

Vem le nuav mej yuav tsum ceev faaj zuv tog, tsua qhov mej tsw paub tas mej tug Tswv yuav lug rua nub twg.

“Tassws nub ntawd hab teev ntawd tsw muaj leejtwg paub, txawm yog cov tubkhai ntuj hab leej Tub kuj tsw paub tsuas yog leej Txwv tuab leeg paub xwb.

Tsua qhov tas yuav muaj cov cuav Kheto hab cov cuav xwbfwb cev lug sawv lug ua txujci tseem ceeb hab txujci phemfwj kws luj kawg, mas yog ua tau, tej txujci hov yuav ntxag cov kws tub xaiv ca lawd kuas yuam kev.

Tam kws Nau‑a nyob zoo le caag, tes thaus Tuabneeg leej Tub tshwm plawg lug kuj yuav zoo ib yaam le ntawd. Tsua qhov ua ntej kws dej tsw tau nyaab, tej tuabneeg noj haus ua tshoob qua tub qua ntxhais moog txug nub kws Nau‑a nkaag rua huv lub nkoj, mas puab tub tsw paub moog txug thaus dej lug nyaab hlo puab hab kuav taag nrho huvsw. Thaus Tuabneeg leej Tub tshwm plawg lug yuav zoo ib yaam le ntawd.