Popular Bible Verses from Luka 8

Share

Cov noob kws poob rua huv thaaj aav zoo yog cov kws tau nov tej lug hov hab muab khaws ca rua huv lub sab kws ncaaj hab zoo, hab puab muaj sab ntev txw txwv.

Cov noob kws poob rua huv plawv tsob xuav paug yog cov kws tau nov lawm, tassws thaus puab ua neej nyob tej kev txhawj kev nyaj txag kev lomzem huv puab lub neej muab puab laum, puab tej txwv txhad tsw puv.

Cov kws poob rua sau tej laag zeb mas yog cov kws thaus tau nov tej lug hov puab zoo sab txais yuav, tassws puab cog caag tsw tub, puab txhad ntseeg ib ntus xwb. Thaus muaj kev swm sab puab txawm tso tseg lawm.

Yexu has rua puab tas, “Mej txujkev ntseeg dua twg lawm?” Puab kuj ntshai hab phemfwj, sws has tas, “Tug nuav yog leejtwg es has rua cua hab dej mas cua hab dej kuj noog nwg lug?”

Cov kws poob rua sau txujkev yog cov kws tau nov mas daab Ntxwg Nyoog tuaj txeeb hlo tej lug hov huv puab lub sab moog sub puab txhad tsw ntseeg hab tsw txais txujkev dim.

Tsua qhov tsw muaj ib yaam twg kws muab zais ca lawm yuav tsw raug muab thws tshwm lug, hab tsw muaj ib yaam twg kws muab npog ca lawm yuav tsw raug muab nthuav tawm lug rua luas pum.

Thaus tug puj hov pum tas tswv nraim tsw tau nwg lug tshee quas nyo lug khwb nkaus rua ntawm Yexu xubndag qha taab meeg suavdawg tas nwg kov Yexu vem yog le caag, hab nwg tug mob tub zoo taamswm lawm. Yexu has rua nwg tas, “Mivntxhais 'e, koj txujkev ntseeg ua rua koj zoo lawm. Ca le moog ua sab tug quas yeeg.”

Cov thwjtim txhad moog tsaa Yexu has tas, “Tug Tswv tug Tswv, peb saamswm yuav puam tsuaj.” Yexu txawm tswm dheev lug txwv cua hab tej nthwv dej kws ndaas, cua hab dej txawm tu nrho txhua yaam txhad le tug yeeg lawm.