Popular Bible Verses from Luka 5

Share

Thaus nwg qha taag lawd, nwg has rua Ximoo tas, “Ca le tsaav nkoj moog rua tom qhov kws dej tub es muab lub vaag ntaus ntseg.”

Ximoo teb Yexu tas, “Xwbfwb, peb tub ntaus ib mos khwv kawg tsw tau daabtsw le. Tassws yog koj has, tes kuv yuav ntaus ib vaag.” Puab txawm ntaus ib vaag mas puab tau ntseg ntau kawg le, lub vaag tub yuav nduag.

Tassws Yexu ca le ncaim puab moog rua ib qho kws tsw muaj tuabneeg nyob hab thov Vaajtswv.

Kuv tsw yog lug hu cov tuabneeg ncaaj nceeg, tassws yog lug hu cov tuabneeg muaj txem kuas ntxeev dua sab tshab.”

Thaus Ximoo Petu pum le hov nwg txawm khwb nkaus ntawm Yexu hauv caug pe hab has tas, “Tug Tswv, ca le tawm ntawm kuv moog tsua qhov kuv yog tuabneeg muaj txem,”

Yexu txawm teb puab tas, “Cov tuabneeg kws tsw muaj mob tsw cheem tsum Kws tshuaj, tsuas yog cov muaj mob txhad cheem tsum xwb.

Thaus puab nkuam ob lub nkoj lug txug tim ntug lawm, puab txawm tso txhua yaam tseg lawv Yexu qaab moog.

Thaus Yexu nyob huv ib lub moos txawm muaj ib tug mob ruas thoob plawg ib ce lug. Thaus nwg pum dheev Yexu nwg txawm pe khwb ti nkaus aav thov has tas, “Tug Tswv, yog koj xaav khu, koj yeej khu tau kuv zoo kuas huv.” Yexu txawm cev hlo teg moog npuab nwg hab has tas, “Kuv xaav los maj, ca le zoo hlo huv lauj.” Taamswm ntawd nwg tej mob ruas txawm tawm huv nwg lub cev lawm.

Tassws Yexu lub moo yimfuab nrov nchaa moog, hab muaj tuabneeg coob coob tuaj txoos ua ke yuav noog Yexu hab khu puab tej mob kuas zoo.