Popular Bible Verses from Luka 14

Share

“Yog leejtwg lug cuag kuv es tsw ntxub nwg nam nwg txwv nwg quaspuj mivnyuas kwvtij nkauj muam hab nwg txujsa tug hov ua tsw tau kuv le thwjtim.

Leejtwg tsw kwv nwg tug khaublig ntoo lawv kuv qaab moog, tug hov ua tsw tau kuv le thwjtim.

Txhua tug kws tsaab ua luj yuav raug muab txu kuas qeg, hab tug kws txu fwjchim yuav raug muab tsaa ua luj.”

Ib yaam le ntawd, mej cov leejtwg tsw tso txhua yaam kws nwg muaj tseg mas ua tsw tau kuv le thwjtim.

Mej cov muaj leejtwg kws xaav ua lub chaw tsom faaj es yuav tsw xub nyob quas tsawg xaam txug tug nqe ua ntej tas muaj txaus ua kuas tav los tsw muaj? Yog tsw ua le ntawd, thaus tub tag tej taw lawm nwg ua tsw tau kuas tav, mas txhua tug kws pum yuav thuaj luag nwg, has tas, ‘Tug nuav chiv ua lawm, tassws nwg ua tsw tau kuas tav.’

Thaus koj muaj pluag noj ca le hu cov pluag, cov qhuav teg qhuav taw, cov tuag taw hab cov dig muag, mas koj yuav tau moov zoo tsua qhov puab pauj tsw tau koj, mas yuav pauj rua koj thaus cov tuabneeg ncaaj nceeg caj sawv huv qhov tuag rov lug.”

“Ntsev yog yaam kws zoo, tassws yog ntsev tsuag lawm, yuav ua kuas rov daw tau le caag? Swv ua chiv rau aav kuj tsw tau, muab tov xyaw quav tsaj kuj tsw tau, tsuas muaj kws muab laim pov tseg xwb. Leejtwg muaj qhov ntsej nov, ca le noog nawj!”