Popular Bible Verses from Luka 12

Share

Yog le nuav mej yuav tsum npaaj txhwj tsua qhov Tuabneeg leej Tub yuav lug rua teev kws mej tsw ncu xaav txug.”

Tassws mej yuav tsum nrhav Vaajtswv lub tebchaws, mas yuav muab tej nuav tsaav rua mej.

Yexu has rua puab tas, “Ceev faaj tuab zoo tsw xob ua sab hlub rua txhua yaam, tsua qhov tuabneeg txujsa tsw yog nyob ntawm qhov kws muaj nplua quas mag.”

Tsua qhov mej tej nyaj txag nyob hovtwg, mej lub sab yeej nyob hov ntawd.

Mej cov muaj leejtwg txujkev txhawj yuav txuas tau nwg txujsa ntev ib tshwm ntxwv?

Yexu has rua nwg cov thwjtim tas, “Vem le nuav, kuv has rua mej tas, tsw xob txhawj txug mej txujsa tas yuav muab daabtsw lug noj, hab tsw xob txhawj txug mej lub cev tas yuav muab daabtsw lug naav

Mej cov plaubhau los kuj raug muab suav txhua txuj lawm. Tsw xob ntshai. Mej tswm txaj dua ntau tug noog tsev.

“Paab nyuas yaaj miv miv, mej tsw xob ntshai, vem tas mej leej Txwv txaus sab pub lub tebchaws hov rua mej.

Ca le saib tej uab voj, tub tsw tseb tsw hlais hab tsw muaj txhaab tsw muaj phawv los Vaajtswv tseed yug tej uab voj hov. Mej yimfuab tswm txaj dua tej noog ntawd.

Tsw xob nrhav yuav noj daabtsw yuav haus daabtsw, tsw xob txhawj

Tej nroj tsuag kws nyob tom teb nub nua xwb, pigkig tub yuav muab nrum rua huv cub suavtawg, yog Vaajtswv tub pub rua naav le ntawd, mej cov kws kev ntseeg yau 'e, nwg yimfuab yuav pub rua mej naav hab.

Tsw muaj ib yaam twg kws muab npog ca lawm yuav tsw muab thws tshwm lug, hab tsw muaj ib yaam twg kws muab zais lawm yuav tsw paub.