Popular Bible Verses from Luka 10

Share

Saib maj, kuv pub fwjchim rua mej tsuj tau naab hab raub rws teb hab muaj fwjchim luj dua tug yeeb ncuab le fwjchim huvsw, tsw muaj ib yaam daabtsw yuav ua phem rua mej.

Tug Tswv teb nwg tas, “Matha, Matha 'e, koj txhawj hab ntxhuv sab rua ntau yaam heev. Tsuas muaj tuab yaam kws cheem tsum xwb. Maivlag tub xaiv yaam kws zoo lawm, tsw muaj leejtwg txeeb tau ntawm nwg moog.”

Nwg teb tas, “Koj yuav tsum hlub tug Tswv kws yog koj tug Vaajtswv kawg sab kawg ntsws, kawg koj tug daag tug zug hab kawg koj plaab plaw tswvyim hab hlub kwvtij zej zog ib yaam le koj hlub koj tug kheej.”

Yexu has rua puab tas, “Cov qoob kws zoo hlais muaj ntau heev, tassws cov tub zug muaj tsawg. Vem le nuav mej yuav tsum thov tug tswv teb kuas khaiv tub zug moog hlais nwg tej qoob.

Koj xaav tas peb tug nuav tug twg yog tug kws raug tub saab ntaus le kwvtij zej zog?” Tug xwbfwb hov has tas, “Yog tug kws khuvleej tug ntawd.” Yexu txhad has rua nwg tas, “Koj ca le moog ua ib yaam nkaus le ntawd.”

Mej ca le moog. Saib maj, kuv khaiv mej tawm moog zoo yaam le tug mivnyuas yaaj kws nyob huv plawv paab maa.