Popular Bible Verses from Chiv Keeb 24

Share

Nwg has tas, “Au Yawmsaub, kws yog kuv tug tswv Aplahaa tug Vaajtswv, thov koj coj kuv txuj hauv kev kuas tav rua nub nua, hab qha txujkev hlub kws ruaj khov rua kuv tug tswv Aplahaa.

Tug ntxhais kws kuv has rua nwg tas, ‘Thov txu koj lub taub dej rua kuv haus,’ tes nwg has tas ‘Haus maj hab kuv yuav ntaus dej rua koj cov ntxhuav haus huvsw,’ mas thov ca tug hov yog tug kws koj tau teem ca ua koj tug tub qhe Yiha tug quaspuj. Yog le nuav kuv txhad paub tseeb tas koj qha koj txujkev hlub kws ruaj khov rua kuv tug tswv Aplahaa.”

Yiha txawm coj Lenpekha nkaag rua huv nwg nam Xala lub tsev ntaub, hab yuav Lenpekha ua nwg quaspuj, nwg kuj nyam Lenpekha. Nwg nam txawm tuag lawm los Yiha txhad rov zoo sab.

Puab txawm foom koob moov rua Lenpekha has tas, “Leej muam, thov koj tau ua quas txheeb quas vaam tuabneeg le nam. Thov kuas koj caaj ceg tau yeeb ncuab lub rooj loog ua puab tug.”

Mas kuv yuav kuas koj tuav Yawmsaub kws yog Vaajtswv kaav sau ntuj hab huv lub nplajteb lub npe cog lug twv tas, koj yuav tsw yuav cov tuabneeg Khana‑aa kws kuv nrug nyob nuav tej ntxhais ua kuv tug tub quaspuj. Tassws koj yuav moog rua kuv lub qub tebchaws hab rua kuv cov kwvtij, hab yuav ib tug quaspuj rua kuv tug tub Yiha.”