Popular Bible Verses from Chiv Keeb 18

Share

Muaj ib yaam daabtsw kws Yawmsaub ua tsw tau lov? Txug swjhawm kws teem ca lawm kuv yuav rov tuaj cuag koj lwm xyoo, mas Xala yuav tau ib tug tub.”

Xala txhad luag tuabywv huv lub sab hab has tas, “Kuv laug lawm, kuv tug quasyawg kuj laug heev lawm, kuv tseed yuav zoo sab hab lov?”

Tsua qhov Aplahaa yuav ua ib haiv tuabneeg kws luj hab muaj zug heev, hab ib tsoom tebchaws huv nplajteb yuav tau koob moov ntawm nwg lug.

Aplahaa txawm txaav lug ze Yawmsaub hab has tas, “Koj yuav ua rua cov kws ncaaj nceeg nrug cov tuabneeg phem puam tsuaj ua ke tag le lov? Pev tas yog muaj tswb caug leej ncaaj nceeg nyob huv lub moos hov, koj yuav ua rua lub moos hov puam tsuaj hlo lov? Koj yuav tsw tseg lub moos hov nyob vem yog saib rua tswb caug leej ncaaj nceeg kws nyob huv le lov?

Yawmsaub has tas, “Yog kuv pum muaj tswb caug leej ncaaj nceeg nyob huv lub moos Xauntoo, kuv yuav tseg lub moos hov huvsw nyob vem yog saib rua tswb caug leej hov.”