Popular Bible Verses from Chiv Keeb 15

Share

Aplaa kuj ntseeg Yawmsaub. Yawmsaub suav tas qhov kws Aplaa ntseeg ntawd yog txujkev ncaaj nceeg rua Aplaa.

Dhau ntawd Aplaa ua yug quas toog pum Yawmsaub has rua nwg tas, “Aplaa, koj tsw xob ntshai, kuv yog daim hlau kws thaiv koj, kuv yuav pub tshaav ntuj ntau kawg rua koj.”

Yawmsaub txawm coj Aplaa tawm rua saab nrau mas has tas, “Ca le saib sau ntuj, yog koj suav txheeb tej nub qub ca le suav moog.” Mas Yawmsaub has rua nwg tas, “Koj caaj ceg yuav coob ib yaam nkaus le ntawd.”

Mas Yawmsaub has lug tuaj rua Aplaa tas, “Tug kod tsw yog tug kws saws koj qub txeeg qub teg. Koj tug tub kws koj yug yuav ua tug kws saws ntaag.”

Mas Yawmsaub has rua Aplaa tas, “Koj ca le paub tseeb tas koj caaj ceg yuav poob tebchaws moog nyob rua huv lub tebchaws kws tsw yog puab teb puab chaw, hab puab yuav ua luas qhev hab raug tswm txom plaub puas xyoo rua hov ntawd.

Aplaa nug tas, “Au Vaajtswv Yawmsaub, koj yuav pub daabtsw rua kuv? Vem tas kuv tseed tsw tau muaj mivnyuas le, mas Eliyexaw kws yog tuabneeg Ntamaxaka yuav ua tug kws saws kuv qub txeeg qub teg.”

Nub ntawd Yawmsaub cog lug rua Aplaa tas, “Kuv muab lub tebchaws nuav rua koj caaj ceg, txwj ntawm tug dej Iyi moog txug tug dej luj kws yog tug dej Yufeti

Mas tam kws plaub koj caaj ceg yuav rov lug rua ntawm nuav, vem yog cov Amaulai tej kev phem kev qas tsw tau txaus.”