Popular Bible Verses from Tswv Dim 8

Share

Cov kws txawj ua yeeg swv kuj swv puab tej khawv koob ua kuas muaj yoov qab tassws puab ua tsw tau. Yoov qab lug ntsauv tuabneeg hab tej tsaj txhu huvsw. Cov kws txawj ua yeeg swv txhad has rua Falau tas, “Tej nuav yog Vaajtswv tug ntiv teg ua.” Tassws Falau lub sab tseed tawv tsw noog puab has, ib yaam le Yawmsaub tub has ca lawd.

Yawmsaub has rua Mauxe tas, “Ca le nkaag moog cuag Falau hab has rua nwg tas, ‘Yawmsaub has le nuav tas, Ca le tso kuv haiv tuabneeg moog sub puab txhad tau moog pe hawm kuv.

Tassws thaus Falau pum tas tej kev txom nyem hov pluj lawm, nwg txawm ua lub sab tawv tsw kaam noog Mauxe hab Aloo has, ib yaam le Yawmsaub tub has ca lawd.

Tassws yog koj tsw kaam tso puab moog, kuv yuav tso qaav nce thoob plawg koj lub tebchaws ua rua koj raug txom nyem.

Yawmsaub has rua Mauxe tas, “Ca le has rua Aloo tas, ‘Tsaa hlo koj tug paas nreg nplawm moov aav kuas txa ua yoov qab thoob plawg Iyi tebchaws.’ ”

Yawmsaub kuj ua lawv le ntawd. Tes txawm muaj yoov ntsuab coob kawg lug rua huv Falau lub vaaj tse hab lug rua huv nwg cov tub teg tub taw tej vaaj tse ua rua muaj kev lamswm thoob plawg Iyi tebchaws.