Popular Bible Verses from Tswv Dim 15

Share

Yawmsaub has tas, “Yog mej ua tuab zoo noog Yawmsaub kws yog mej tug Vaajtswv tej lug hab ua tej kws hum nwg lub sab, hab tig ntsej noog nwg tej lug nkaw hab ua lawv le nwg tej kaab ke txhua qhov, mas tej mob nkeeg kws kuv ua rua cov Iyi hov kuv yuav tsw tso rua sau mej hlo le, tsua qhov kuv yog Yawmsaub, yog tug kws khu mej.”

Yawmsaub yog kuv tug zug hab yog kuv zaaj nkauj, hab nwg yog tug kws cawm kuv dim. Nwg yog kuv tug Vaajtswv ntaag, kuv yuav qhuas nwg, nwg yog kuv txwv tug Vaajtswv, kuv yuav qhuas ntxhas nwg.

“Au Yawmsaub, tej timtswv huvsw tug twg zoo cuag le koj? Tug twg zoo cuag le koj, kws dawb huv kawg nkaus, hab muaj lub koob meej kws txaus fwm kawg, hab ua tej txujci phemfwj?

“Koj muaj txujkev hlub ruaj khov es coj haiv tuabneeg kws koj txhwv dim lawm. Koj swv koj tug zug coj puab txuj hauv kev moog txug koj lub chaw nyob kws dawb huv.

Thaus puab lug txug ntawm Mala, puab kuj haus tsw tau cov dej ntawm Mala tsua qhov cov dej hov ab heev. Vem le nuav txhad hu ua Mala. Cov pejxeem txhad le ywg ywg Mauxe tas, “Peb yuav haus daabtsw?” Mauxe txawm tsaa suab thov Yawmsaub. Yawmsaub txhad qha ib tog ntoo rua Mauxe pum, mas nwg muab nrum rua huv dej, dej txawm qaab lawm. Thaus nyob lub chaw ntawd Yawmsaub txhad qha nwg tej kaab ke hab nwg tej kevcai rua puab hab swm puab lub sab.