Popular Bible Verses from Yowan 21

Share

Wi badeeŋ aba, kë Yeŧu aşë ji na Ŧimoŋ Piyeer : « Ŧimoŋ abuk Yowan, iŋalën apel biki i ? » Kë aŧeema aji : « Ajugun, aa, ime kë dŋalu. » Kë aji na a : « Doon kayeŋ batani bi naan. » Akak ahepara uyaaş utëbanţën aji na a : « Ŧimoŋ abuk Yowan, iŋalën i ? » Kë aŧeem aji : « Ajugun, aa, ime kë dŋalu. » Kë aji na a : « Doon kayafan batani bi naan. » Akak ahepara uyaaş uwajanţën aji na a : « Ŧimoŋ abuk Yowan, iŋalën i ? » Piyeer ajooţan wal mënţ ţi uko wi akheparuŋ uyaaş uwajanţën me aŋalaara aşë ji na a : « Ajugun, ime iko bŧi, ime bnuura kë dŋalu. » Kë aji na a : « Doon kayeŋ batani bi naan.

Na manjoonan dţupu : wi ihojuŋ, iji ktan katëlu bdidi'u, kaya dko di iŋaluŋ. Kë wi ikluŋ kaţaf, iluŋ kadeeŋ iñen, aloŋ atanu katël, añooţu dko di iwooŋ iinŋali. »

Kë aşë ji na baka : « Nafëlan bridiya ţi kañenan kadeenu, namob. » Bafël bridiya aşë wo baankak ahinan ba ppul ţiki baŧum ŋţëb.

Kë Ŧimoŋ Piyeer aşë ji na baka : « Dya bŧuh. » Kë baji na a : « Ŋbi na iwi. » Bapën, apaya ţi bţeem, kë uŧejan mënţ baammob nin uţëb.