Popular Bible Verses from Ppën 9

Share

Kë uko unkaaŋ kë nwutu uwo kë dŋal pyuuju mnhina mi naan, katim naan kahilna kameeţana ţi umundu bŧi.

Yawe Nawat Kabuka aji na Moyiŧ : « Yaan du Farawuna ijaka, Nawat Kabuka Naşibaţi i bahebërë bajaaŋ badëman ajakuŋ : “Wutan pntaali pi naan paya padëmanaan.

Woli ddeeŋ lah kañen akoban na pmaak pi pkeţ, iwi na pntaali pi nu, nawetana ţi mboş.

Nawat Kabuka kakob itani yi nu inwooŋ du pşaar na kañen ki nul, kaţu ŋmpëlënŧ na ŋbuuru, na ŋnŧaam ŋi pnkunkaali, ŋgit, ŋkaneel na ŋpi bkeţan bweek. Kë Nawat Kabuka aşë apaţëş itani yi biki Iŧrayel na yi biki Ejiptu, kë nin unŧaam uunkkeţ ţi ŋi biki Iŧrayel.” »

Faan na kawoori ki keeri, ddo uşubal wi mpoj udëm maakan, jibi uwooŋ uumbaaŋ kawohaara ţi Ejiptu kapënna unuur wi dapaşnaaniiŋ te wi nţa wi. Kë hënkuŋ, doon baneejan itani yi nu du impen na uko wi ikaaŋ bŧi kë uwo du uţeeh. Uko bŧi unwooŋ du uţeeh awo uunţiişi, uwole ñaaŋ këme unŧaam, mpoj kajotna wa ukeţ.” »

Ukak pdëpalën kaniink uŧaak wi Ejiptu bŧi. Paţu bañaaŋ na ŋnŧaam bŧi ţi Ejiptu bawo na ŋwuur ŋankyaaŋ kadoo kakak ŋjad. » Bajej ufob wi pteet aya anaţ ţi kadun ki Farawuna ; kë Moyiŧ ajej ufob afël kë bañaaŋ bawo na ŋwuur ŋankakuŋ ŋjad.