Popular Bible Verses from Yoni 21

Share

Malatomtom amna hiꞌmam, ma Yesu i baha nae Simona Pita uyahina i pa, ‘Simona, Yoni natuna, tam iyowai, u luhogalena dumau ma apoma om bagibagi, bo?’ Pita i pa, ‘Ee Guyau, u hanapugeu tau a luhogalem’. Yesu i baha i pa, ‘U sipi muhomuhohi una wianihi’. A bahana i wiluwagaya i pa, ‘Simona Yoni natuna, u luhogalena dumau?’ Simona i pa, ‘Ee, Guyau u hanapugeu a luhogalem’. Yesu i baha i pa, ‘U sipi una galena itetehi’. A bahana i witonugaya i pa, ‘Simona, Yoni natuna, u luhogaleu?’ Pita baha geka i noonoli, po i nugodubu babana Yesu a baha i pa, ‘U luhogaleu?’ Yaka Yesu a baha i wimiheya i pa, ‘Guyau, ginouli magomagouhi u hanapugehi po gasi u hanapugeu. A luhogalem.’ Yesu i baha uyahina i pa, ‘U sipi una wianihi.

A baha duma uyahim, om houga tewela uyahina om nogutuhu ipa meka una nae naka om dagilolo u lumomohi ma apo una nae. Ma apo om houga wibada uyahina nimam una lodomi po lawa gehouhi hina widagilolom, ma tupo ega uta lauhogaleya apo uyahina hina niyem.’

Ma i otu hopu meme i pa, ‘Ona tuhopu ma u awala hinebawamiyei hagida ona telenena meya, yaka iyana apo ona wialoni’. Ega yaka hagida hi teleneya po iyana hi ononaya i maga wahaga, po ega emoemotahi hagida hina nouya.

Simona Pita i baha uyahihi i pa, ‘Tau a nenae anꞌebaga’. Hi baha uyahina hi pa, ‘Apo boluta ta negogona’. Hi nae po wam uyahina hi gelu, ma hai hagida hi teleneya, po didibalana ega kikina iyana gehouna hitꞌonaya ma a sigana malitom.