Popular Bible Verses from Yohane 14

Share

Na duba-ozaire nuai awa nimorekare potitinona. Na duba-ozaire nuai naka naso awa nimorekare potitinona. Zebura ema meni potitinowera ago ine kota, duba-ozaire nuai naso me awa nimorekare potitinona. Are duba nisokare azu wai tepo, kotumu-katumu wai tepo, itarise.

Ago senu Yesu meni ina ego senua awa, “Ebata Mamera nana bayai awa na ewa. Ge me kerenai awa na ewa. Nuai seka potai awa na ewa. Na dainiro Mamera nana kei awai ine oko itia.

Yesu meni bua mai nusore ego senua awa, “Nikare duba nisokare oko sisawe. Nikare Anutu tuma didinoise na dai tuma diwo.

Ota Soremai nisokare Ozana awa nu Mama meni be nasora iyetai osero ge dapikarago nimorekare tugata-magata wamunoya. Ge nane tugata inowena da awa Ozana meni awa-uzero tepo wamunoya.

Zo nu bera ge naso niniro puro dipinoise nowia amira ara tamai awa naso nana itia. Are zo nu na ara tapinowia, da ago ine Mama naso meni nu ara tamamunoya. Ota nane da ago nu ara tapinoise susu naso numore kerenamunona.”

Nane Mama begomo sana nu Soremai nisokare zo potai osero nimorekare dai nuai gege nuamunoya. Nu awa Ozana. Nu ge me susure nimorekare gipamunoya. Ema na tuma kaka diamu inowera ami Ozana giti moka nusokare meni oko gosinowera. Noko nukare nu kotumai meni oko gosinowera. Are nukare Ozana puro nuai ine tepo. Ata nu nimorekare dai nowia, ota moka nisokarera toiro nuamunoya. Are nikare nu giro baititinowewa.

Nikare zazo naso puro noise isa sawa te ninitinoise wamunona. Awa Mamera bowi kei awaise sero na Mai meni ago wamunona. Nikare zazo naso puro noise na nena zo emo begomo sawa ninitinoise ago wamunona.

Ara tamai nisokare naso nana itamunoya, awa nikare ge naso dimamunowa.

Mama nasora nata amira ibu-mara dainiro itera. Ago kaka itamu sia, awa na itai zara nisokare sia wamu bayamunona ago oko samena.

Are na baro itai zara nisokare sia wero noko kapeteniro muro nikare uzumana baro na nuamunona da amira nuamunowa.

Ago senu Tomas meni ina ego senua awa, “Tua, ni nago bayamunosi, awa nakare kaka gamu inonakare. Are nogo wero ebata gamunonikare?”