Popular Bible Verses from Thimo 15

Share

Icookia rĩega nĩrĩhooreragia maraakara, ĩndĩ rũcinũ rũtũmaga maraakara maakane.

Gũtĩĩa MWATHANI nĩgũtũmaga mũndũ agĩe na ũũgĩ, nakuo kwĩnyiihia gũtũmaga mũndũ atĩĩo.

Ciugo cia tha ciĩkagĩra mũndũ hinya, ĩndĩ ciugo itarĩ tha nĩ cia kũũraga mũndũ ngoro.

Kĩrĩra kĩega kĩreehage mĩbango mĩega, namo mataaro mooru mareehage mĩbango mĩũru.

Hĩndĩ ĩrĩa mũndũ akeneete, o na gĩthiithi nĩkĩonanagia, ĩndĩ e na kĩeha aikaraga arĩ mũritũhĩre ngoro.

Maitho ma MWATHANI moonaga kũndũ guothe, macũũthagĩrĩria andũ magĩĩka ũũru kana wega.

Kaba ngorwo na indo itarĩ nyingĩ na ngorwo ndĩĩĩte MWATHANI, gũkĩra gũtonga na ngorwo na mĩtangĩko.

Mũndũ wa marũrũ atũmaga kũgĩe ngarari, ĩndĩ gũkirĩrĩria kũreehage thaayũ.

Mũndũ mũthingu nĩabaaragĩrĩra macookio maake wega, ĩndĩ macookio ma kĩrimũ makoragwo me mooru.