Popular Bible Verses from 1 Petero 1

Share

Ngai Ithe wa Mwathani witũ Jesũ Kristũ arogoocwo! Tondũ wa tha ciake nyingĩ, nĩatũheete muoyo mwerũ nĩ ũndũ wa kũriũkio kwa Jesũ Kristũ kuuma gĩkuũinĩ. Ũndũ ũcio nĩũtũmaga tũiyũrwo nĩ kĩĩrĩgĩrĩro gĩa gũtũũra, na kwoguo tũgagĩeterera igai rĩrĩa Ngai aigĩire andũ aake. Inyuĩ-rĩ Ngai amũigĩire igai rĩu igũrũ kũrĩa rĩtangĩbutha kana rĩthũũke kana rĩhwererekere.

Nĩ ũndũ ũcio gĩkeneei nĩ ũndũ wa ũhoro ũcio o na angĩkorwo rĩu no mũgĩe na kĩeha kwa ihinda iniini nĩ ũndũ wa magerio maingĩ marĩa maramũthĩĩnia. Mũragerio nĩ geetha wĩtĩkio wanyu woneke kana nĩ wa ma. O na thahabu, ĩrĩa ĩthiraga, ĩgeragio na mwaki. Kwoguo o naguo wĩtĩkio wanyu ũrĩa wĩ goro o na gũkĩra thahabu, no mũhaka ũgerio nĩguo woneke kana nĩ wa ma, nĩguo mũkaagĩa na riiri, kũgoocwo, na gĩtĩĩo hĩndĩ ĩrĩa Jesũ akaaguũranĩrio.

Ĩndĩ tuĩkaai andũ atheru a Ngai maũndũinĩ moothe marĩa mũrĩĩkaga o ta ũrĩa Ngai ũrĩa wamwĩtire e Mũtheru. Tondũ maandĩko moigĩĩte atĩrĩ, “Tuĩkaai atheru tondũ o na niĩ ndĩ mũtheru.”

Rĩrĩa mũtaamenyeete Ngai-rĩ, mwatongoragio nĩ merirĩria ma ũrimũ, no rĩu athĩkagĩraai Ngai.

Kwoguo ikaragaai mwĩhaarĩirie meciiriainĩ maanyu, na mũkoragwo mwĩiguĩte na mũigĩĩte kĩĩrĩgĩrĩro kĩanyu biũ harĩ iraathimo iria mũkaaheeo rĩrĩa Kristũ akaaguũranĩrio.

O ta ũrĩa maandĩko moigĩĩte atĩrĩ: “Andũ oothe mahaana ta nyeki, na riiri wao wothe ũhaana ta mahũa ma nyekiinĩ. Nyeki nĩyũmaga, na mahũa makagũa, no kiugo kĩa Mwathani gĩtũũraga tene na tene.” Kiugo kĩu nĩkĩo Ũhoro ũrĩa Mwega mwahunjĩirio.