Popular Bible Verses from Afilipi 4

Share

Kwoguo tigagaai gwĩtanga nĩ ũndũ o na ũrĩkũ, no mahooyainĩ maanyu moothe hooyagaai Ngai o kĩrĩa mũkwenda, mũkĩmũthaithaga hingo ciothe o hamwe na kũmũcookeria ngaatho.

Naguo thaayũ wa Ngai, ũrĩa ũtangĩmenyeka nĩ andũ ũrĩa ũtariĩ nĩũrĩikaragia ngoro cianyu o na meciiria maanyu ihooreire thĩinĩ wa Kristũ Jesũ.

Ngĩrĩĩkia, aariũ na aarĩ a Ithe witũ, ngũmwĩra atĩ mwĩciiragie maũndũ marĩa meega na marĩa mangĩgathĩrĩrio: maũndũ marĩa ma ma, matĩĩĩku, ma kĩhooto, matheru, makwendeka, o na ma gĩtĩĩo.

Nĩhotaga gwĩka maũndũ moothe na ũndũ wake ũrĩa ũheaga hinya.

Ikaragaai mũkeneete mwĩ thĩinĩ wa Mwathani hingo ciothe. Na no nguuga o rĩngĩ atĩ mũikarage mũkeneete!

Naake Ngai wakwa nĩarĩmũhingagĩria mabata maanyu moothe kũringana na ũtonga wake mũingĩ ũrĩa tũheagwo na ũndũ wa Kristũ Jesũ uumĩĩte kwĩ Ngai.

Ĩkagaai maũndũ marĩa mwerutire na mũkĩamũkĩra kuuma kũrĩ niĩ na njĩra ya ciugo o hamwe na ciĩko ciakwa. Naake Ngai ũrĩa ũtũheaga thaayũ nĩarĩkoragwo hamwe na inyuĩ.

Tũmagaai gũkiranĩrĩria kwanyu kũmenyeke nĩ andũ oothe. Mwathani e hakuhĩ gũũka.

Nĩnjũũĩ gũikara itarĩ kĩndũ na gũikara na indo nyingĩ makĩria ma iria ingĩenda. Nĩndĩrutĩĩte hitho ĩno nĩ geetha mahinda moothe na maũndũinĩ moothe ngoragwo njiganĩire, o na akorwo hũũtiĩ, kana hũũniĩ, ndĩ na indo o na kana itarĩ.

Ningĩ ndiroiga ũguo nĩ ũndũ wa kũigua ta ndiganĩirio, nĩ amu nĩndamenyerire gũkoragwo njiganĩire na kĩrĩa ndĩ nakĩo.