Popular Bible Verses from Afilipi 1

Share

Niĩ ndĩ na ma atĩ Ngai ũrĩa wambĩrĩirie wĩra ũcio mwega thĩinĩ wanyu nĩegũthiĩ na mbere naguo o kinya ũkaarĩĩka mũthenya ũcio wa Kristũ Jesũ.

Ndĩrahooya atĩ wendo wanyu ũthiage na mbere o ũkĩingĩhaga, hamwe na ũmenyo na gũkũũrana maũndũ wega, nĩ geetha mũhotage gũkũũrana kĩndũ kĩrĩa kĩega biũ. Na mũtũũre mũrĩ atheru na mũtarĩ na ũcuuke o nginya mũthenya ũcio wa Kristũ.

Nĩ amu harĩ niĩ, gũtũũra muoyo nĩkuo Kristũ, na gũkua nĩ uumithio.

Nĩnjookagĩria Ngai wakwa ngaatho hingo ciothe rĩrĩa ndeciiria ũhoro wanyu

Rĩu-rĩ, ũndũ ũrĩa wĩ na bata mũno nĩmũikarage kũringana na Ũhoro ũrĩa Mwega wa Kristũ, nĩ geetha o na angĩkorwo nĩngũũka kũmuona o na kana njage gũũka, njiguage ũhoro wanyu atĩ nĩmũrũũgamĩĩte wega, mwĩ na ũndũ ũmwe mũrenda gwĩka mũrĩ na meciiria mamwe mũkĩrũagĩrĩra wĩtĩkio wa ũhoro ũrĩa mwega mũnyiitaine hamwe

Wendi wakwa na mwĩhoko wakwa nĩ atĩ niĩ ndikaanaconoke nĩ ũndũ o na ũrĩkũ, no njaragie ndĩ na ũũmĩrĩru hingo ciothe na makĩria rĩu nĩ geetha o na ndĩ gũũkũ njeera mwĩrĩ wakwa ũgoocithagie Kristũ rĩu ndĩ muoyo o na kana nguĩte.

Nĩ amu nĩmũtũũgĩrĩĩtio mũgeetĩkĩrio mũtungatagĩre Kristũ na njĩra ya kũmwĩtĩkia o hamwe na gũthĩĩnio nĩ ũndũ wake.