Popular Bible Verses from Nehemia 8

Share

Nĩ ũndũ ũcio inũkaai mũkarĩe na mũnyue. Ningĩ-rĩ, arĩa nao matarĩ na irio kana ndibei, maheei. Ũũmũũthĩ nĩ mũthenya mũtheru wa MWATHANI witũ, nĩ ũndũ ũcio tigaai kĩeha. Gĩkeno kĩrĩa MWATHANI ekũmũhe nĩkĩo gĩgũtuĩka hinya wanyu.”

Rĩrĩa andũ maiguire ciugo icio cia Watho makĩigua maahuutio mũno, makĩambĩrĩria kũrĩra. Naake Nehemia ũrĩa warĩ barũũthi, na Ezira, ũcio mũthĩnjĩri Ngai na mũndũ warĩ mũũgĩ ũhoroinĩ wa Watho, o na Alawii arĩa maataaragĩria andũ maũndũ makĩĩra andũ o oothe atĩrĩ, “Mũthenya wa ũũmũũthĩ nĩmwamũrĩre MWATHANI Ngai wanyu. Tigaai gwĩthikĩra o na kana kũrĩra.

Hĩndĩ ĩyo Ezira akiuga atĩ, “Goocaai MWATHANI o we Ngai ũrĩa Mũnene!” Nao oothe moeete mooko maao na igũrũ magĩcookia atĩrĩ, “ Ameni! Ameni!” Magĩturia maru magĩturumithia moothiũ maao thĩ magĩthaathaiya MWATHANI.