Popular Bible Verses from Mariko 13

Share

Nao andũ nĩmakaamũmena nĩ ũndũ wakwa. No ũrĩa ũgaakirĩrĩria kinya ithirĩro, ũcio nĩakaahonokio.

Ikaragaai mwĩmenyereire na mwĩhũũgĩĩte tondũ mũtiũĩ rĩrĩa ihinda rĩu rĩgaakinya.

Rĩrĩa mũkaanyiitwo mũtwarwo igootiinĩ mũtikaanetange mũgĩciiria ũrĩa mũkoiga. Hĩndĩ ĩyo yakinya-rĩ, mũkoiga ũrĩa mũkaahotithio, nĩ ũndũ Roho Mũtheru nĩ we ũkaaria e thĩinĩ wanyu.

Igũrũ na thĩ nĩigaathira, no ciugo ciakwa itigaathira.

“Gũtirĩ mũndũ ũũĩ rĩrĩa mũthenya ũcio ũgaakinya kana thaa, o na araika arĩa me igũrũ, kana Mũũriũ tiga o Ithe wiki.

Na rĩrĩa mũkaigua ũhoro wa mbaara mũtikaanetigĩre. Maũndũ ta macio no mũhaka mooneke no ti atĩ ũcio nĩguo mũthia wa thĩ.

Nĩ ũndũ ũcio mwĩhũũgageei, tondũ mũtiũĩ rĩrĩa mwene mũciĩ agacooka. Ahota gũgaacooka hwaĩinĩ kana ũtukũ gatagatĩ kana ngũkũ ĩkĩgamba, o na kana ruoro rũgĩtema. Kĩĩhũgeei ndakaanooke o rĩmwe nĩguo amũkore mũkomeete. Ũguo ngũmwĩra noguo ngwĩra andũ oothe: Mwĩhũũgageei!”

Mabũrũri o na moothamaki nĩmagookanĩrĩra na nĩgũkaagĩa na ithingithia kũndũ kũingĩ, na kũgĩe ng'aragu. Maũndũ macio nĩ mo kĩambĩrĩria kĩa ruwo ta rwa mũtumia akĩheeo mwana.

No ithirĩro rĩtaanakinya no mũhaka Ũhoro ũrĩa Mwega ũkaahunjĩrio andũ oothe.

Amu andũ aingĩ nĩmagooka makiugaga atĩ maraaria handũinĩ haakwa makiugaga atĩrĩ, ‘Nĩ niĩ Kristũ!’ Nao nĩmakaahĩtithia andũ aingĩ.

“No inyuĩ mwĩmenyerereei tondũ nĩmũkaanyiitwo mũtwarwo kĩamainĩ. Ningĩ nĩmũkaahũũrĩrwo thunagogiinĩ, na mũrũũgamio mbere ya anene na athamaki. Na inyuĩ nĩmũkaamahunjĩria Ũhoro ũrĩa Mwega.

Andũ mekwĩĩta Kristũ na anabii a maheeni nĩmakooneka, na moonanie moorirũ na ciama makĩenda kũhĩtithia o na arĩa athuure a Ngai korwo no kũhoteke.

“Na rĩĩrĩ, thuutha wa hĩndĩ ĩyo ya mathĩĩna riũa nĩrĩgaatuĩka nduma, mweri ũtige gũcooka kwara, nacio njata ciume igũrũ igwe thĩ, namo maahinya ma igũrũ meenyenyio.