Popular Bible Verses from Mathayo 7

Share

“Hooyai na nĩmũkũheeo; cariai na nĩmũkuona; ringaringaai mũrango na nĩmũkũhingũrĩrwo.

Nĩ ũndũ mũndũ o wothe ũhooyaga nĩaheagwo, na ũrĩa ũcaragia nĩonaga, na ũrĩa ũringaringaga mũrango nĩahingũragĩrwo.

“Rĩu-rĩ, mũndũ ũrĩa ũiguaga ciugo ici ciakwa na agaciathĩkĩra ahaana ta mũndũ mũũgĩ ũrĩa wakire nyũmba yake na mũthingi wa ihiga.

“Kwoguo ĩkagaai andũ arĩa angĩ ũrĩa inyuĩ mũngĩenda mamwĩke, nĩ ũndũ ũcio nĩguo Watho wa Musa o na Ũrutani wa Anabii.

No kĩhingo gĩa kũingĩra muoyoinĩ nĩ gĩceke, na njĩra ya gũkinya kuo nĩ nditũ, nao andũ arĩa mamĩonaga nĩ aniini.

“Toonyeraai kĩhingo kĩrĩa gĩceke, nĩ ũndũ kĩhingo gĩa kũingĩra icuainĩ nĩ kĩariĩ, na njĩra ĩrĩa ĩthiaga kuo nĩ hũthũ, na andũ arĩa mamĩgeraga nĩ aingĩ.

Angĩkorwo inyuĩ o na mũrĩ ooru nĩmũmenyaga kũhe ciana cianyu iheeo njega-rĩ, nĩ maita maigana Ithe wanyu ũrĩa ũrĩ igũrũ angĩgĩkĩrĩrĩria kũheana iheeo njega kũrĩ arĩa mamwĩtagia!

“Mũtigaatuanagĩre, nĩ geetha o na inyuĩ mũtikaanatuĩrwo nĩ Ngai, nĩ ũndũ akaamũtuĩra o ta ũrĩa mũtuagĩra andũ arĩa angĩ, ningĩ kĩgeri kĩrĩa mũrĩgeragĩra arĩa angĩ nakĩo nokĩo na inyuĩ mũkaagererwo nakĩo.

“No mũndũ wothe ũiguaga ciugo ici ciakwa na ndaciathĩkĩre, ahaana ta mũndũ mũkĩĩgu ũrĩa wakire nyũmba yake mũthanga igũrũ.

Nĩ kĩĩ gĩgũtũma wone kĩhuti kĩrĩa kĩrĩ riitho rĩa mũrũ wa thooguo, no ndũngĩigua mũgogo ũrĩa wĩ riitho rĩaku? Kana ũngĩhota atĩa kwĩra mũrũ wa thooguo atĩ ũmũrute kĩhuti kĩrĩa kĩrĩ riitho rĩake, o hĩndĩ ĩrĩa wee wĩ na mũgogo riitho rĩaku?

“Mwĩmenyagĩrĩreei anabii a maheeni, arĩa mookaga kũrĩ inyuĩ mahaana ta ng'ondu, no na kũu thĩinĩ mahaana o njũũi. Andũ acio nĩmũrĩmamenyaga na ũndũ wa ciĩko ciao. Mĩtĩ ya mĩigua ndĩciaraga thabibũ, o naguo thabai ndũciaraga ngũyũ.

Mũtĩ mwega ũciaraga matunda meega, naguo mũtĩ mũũru ũgaciara matunda mooru.

Gũtirĩ hĩndĩ mũtĩ mwega ũngĩciara matunda mooru, na gũtirĩ hĩndĩ mũtĩ mũũru ũngĩciara matunda meega.

Mũtĩ o wothe ũtaciaraga matunda meega nĩũtemagwo ũgaikio mwakiinĩ.