Popular Bible Verses from Joshua 6

Share

Naake MWATHANI agĩkĩĩra Joshua atĩrĩ, “Nĩneanĩĩte mookoinĩ maaku itũũra rĩĩrĩ rĩa Jeriko, o hamwe na mũthamaki warĩo na njamba ciarĩo iria irĩ hinya.

Atĩrĩĩrĩ, rĩrĩa mũkaigua athĩnjĩri Ngai mahuuha macoro maao mategũtigithĩria-rĩ, hĩndĩ ĩyo andũ oothe makoigĩrĩria, nacio thingo cia itũũra nĩikaharagana igũe thĩ. Hĩndĩ ĩyo mbũtũ yothe ya ita ĩgĩtoonye itũũra thĩinĩ ĩtegũtigithĩria.”

Wee mwene na thigari mũrĩthiũrũrũkaga itũũra rĩĩrĩ o mũthenya riita rĩmwe handũ ha mĩthenya ĩtandatũ.

Athĩnjĩri Ngai mũgwanja, me na macoro mũgwanja mathondekeetwo na hĩa cia ndũrũme, nĩ o marĩtongoragia Ithandũkũ rĩa Kĩrĩĩkanĩro. Mũthenya wa mũgwanja-rĩ, wee mwene o hamwe na thigari ciaku mũgaathiũrũrũka itũũra maita mũgwanja athĩnjĩri Ngai makĩhuuhaga macoro maao.

Na rĩĩrĩ, ihingo cia itũũra rĩa Jeriko ciaikaraga irĩ hinge o na ikarangagĩrwo mahinda moothe, nĩ ũndũ nĩmeetigagĩra andũ a Isiraeli. Gũtirĩ mũndũ o na ũrĩkũ wetĩkagĩrio kuuma na nja kana gũtoonya thĩinĩ wa itũũra rĩu.

Hĩndĩ ĩrĩa itũũra rĩu rĩathiũrũrũkagwo riita rĩa mũgwanja, athĩnjĩri Ngai mahuuha macoro, Joshua akiuga atĩrĩ, “Anĩrĩraai; MWATHANI nĩamũheete itũũra rĩĩrĩ!

Itũũra na kĩrĩa gĩothe kĩrĩ thĩinĩ warĩo, no nginya iniinwo o biũ irĩ ta igongoona kũrĩ MWATHANI. Rahabu, mũtumia ũrĩa mũmaraaya, na andũ arĩa oothe me nyũmbainĩ yake no o mekũhonokio, nĩ ũndũ nĩahithire athigaani aitũ arĩa twarekeetie.