Popular Bible Verses from Isaia 9

Share

Nĩ gũkorwo nĩtũciarĩirwo kaana, nĩtũheetwo mwana wa kahĩĩ, naake nĩagaatuĩka mũthamaki witũ. Ageetagwo “Mũheani Kĩrĩra wa Kũgegania, Ngai Mwene Hinya Wothe, Ithe wa Andũ wa Mĩndĩ na Mĩndĩ, na Mũthamaki wa Thaayũ.”

Andũ arĩa matũire mathiagĩra ndumainĩ nĩmooneete ũtheri mũnene. Arĩa matũũraga bũrũri wĩ nduma ndumanu nĩmaarĩirwo nĩ ũtheri.

Ũthamaki wake ũgaathiaga o ũkĩnenehaga, na gũgaakorwo na thaayũ ũtarĩ mũthia. Agaathamakaga ta mũthamaki Daudi, akĩhũthagĩra ũũma na kĩhooto, kuuma rĩu nginya tene na tene. MWATHANI Mwene Hinya Wothe nĩ we ũkaahingia ũndũ ũcio.

Indo ciothe cia atharĩkanĩri iria ciitĩkĩirwo nĩ thakame nĩigaacinwo na mwaki.

Matikoona gwa kũũrĩra hĩndĩ ĩyo ya mathĩĩna macio. Mahinda ma tene-rĩ, mabũrũri marĩa matũũragwo nĩ mĩhĩrĩga ya Zebuluni na Nafutali maatũũraga mamenagĩrĩrio. No rĩĩrĩ, mahinda nĩmeerekeire gũũka rĩrĩa kũndũ kũu, kũrutia mwena wa na irathĩro wa iria rĩa Mediteraneani nginya mwena ũũrĩa ũngĩ wa Jorodani, o na Galili kuo kwene, kũrĩa gũtũũragwo nĩ ndũũrĩrĩ, gũkaagaathĩrĩrio mũno.

Nĩũingĩhĩĩtie rũũrĩrĩ, ũkaruongerera gĩkeno. Rũrarũũhia mbere yaku rũkeneete o ta ũrĩa andũ marũũhagia hĩndĩ ya magetha, kana ta ũrĩa marũũhagia makĩgayana indo iria matahĩĩte.

Amu nĩuunangĩĩte icooki rĩrĩa rĩramaritũhĩire, na mũtĩ ũrĩa maraigĩrĩirwo ciande. O na nĩuunangĩĩte rũthanju rwa andũ arĩa maramahinyagĩrĩria, o ta ũrĩa wekire mũthenya ũrĩa wahootire thigari cia Midiani.