Popular Bible Verses from Isaia 6

Share

Ngĩgĩcooka ngĩigua Mwathani oiga atĩrĩ, “Nũũ ngũtũma na nũũ ũgũthiĩ handũ haitũ?” Na niĩ ngĩgĩcookia atĩrĩ, “Niĩ ũyũ haaha! Ndũma!”

Ũmwe eetaga ũrĩa ũngĩ, makoiga atĩrĩ, “Mũtheru, Mũtheru, Mũtheru, nĩ MWATHANI Mwene Hinya Wothe. Riiri wake ũiyũire thĩ yothe.”

Ngĩkiuga atĩrĩ, “Kaĩ ndĩ thĩĩnainĩ-ĩ! Nĩndathira, nĩ gũkorwo niĩ ndĩ mũndũ ũtarĩ mĩromo mĩtheru, na mũndũ ũtũũraga gatagatĩ ka andũ matarĩ mĩromo mĩtheru, na maitho maakwa nĩmoona Mũthamaki, MWATHANI Mwene Hinya Wothe!”

Atĩrĩĩrĩ, mwaka ũrĩa mũthamaki Uzia aakuire-rĩ, nĩndoonire MWATHANI aikarĩire gĩtĩ gĩake kĩa ũnene, na kĩaigĩĩtwo handũ hatũũgĩru mũno. Nguo ciake nacio ciaraihĩĩte ikaiyũra Hekaarũ yothe.

Naake akĩĩhuutia mĩromo narĩo, akĩnjĩĩra atĩrĩ, “Tondũ ikara rĩĩrĩ nĩrĩakũhuutia mĩromo-rĩ, mahĩtia maaku nĩmaathengio na nĩwoherwo meehia maaku.”

Ndoonire athiũrũrũkĩirio nĩ Aserabi. O Mũserabi aarĩ na mathagu matandatũ, meerĩ ma kwĩhumbĩra ũthiũ, meerĩ ma kũhumbĩra mwĩrĩ na meerĩ ma kũũmbũka namo.

Hĩndĩ ĩyo mũserabi ũmwe akĩũmbũka agĩũka harĩ niĩ anyiitĩĩte na mĩĩhato ikara rĩakanaga aarutĩĩte kĩgongoonainĩ.

Naake akĩnjookeria atĩrĩ, “Thiĩ wĩre andũ aya ũũ: Mũrĩthikagĩrĩria, no mũtirĩkuũkagĩrwo. Mũrĩroraga, no mũtirĩmenyaga ũrĩa kũrathiĩ na mbere

Reke meciiria ma andũ aya makingitare, matũ maao mathingare, na maitho maao matumane, nĩguo matikoone na maitho maao, matikaigue na matũ maao, na meciiria maao matigataũkĩrwo, makĩgarũrĩre mĩtugo yao na mahonio.”