Popular Bible Verses from Isaia 12

Share

Ngai nĩ we Mũhonokia witũ, nĩtũrĩigaga mwĩhoko witũ harĩ we, na tũtigũcooka gwĩtigĩra. MWATHANI nĩarĩtũheaga hinya na ũcamba; nĩ gũkorwo we nĩ we Mũhonokia witu.

O ta ũrĩa maaĩ mahoro makenagia mũndũ anyootiĩ, noguo andũ a Ngai makenaga rĩrĩa MWATHANI amahonokia.”

Inĩraai MWATHANI mũmũgooce tondũ nĩekĩĩte maũndũ me ngumo nene. Thĩ yothe nĩĩigue ũhoro ũcio.

Mũthenya ũcio mũkaina atĩrĩ, “Cookeriai MWATHANI ngaatho! Mwĩteei amũteithie! Menyithiai ndũũrĩrĩ ciothe maũndũ manene marĩa amwĩkĩire! Meereei ũrĩa we arĩ mũnene.

Mũthenya nĩũgooka rĩrĩa mũkaina atĩrĩ, “Nĩtwagũcookeria ngaatho, wee MWATHANI nĩ tondũ warĩ mũraakaru nĩ ithuĩ no rĩu nĩgũtũũmĩrĩria ũratũũmĩrĩria, na nĩũniinĩĩte maraakara maaku.

Inyuĩ mũtũũraga Zayuni, anĩrĩraai na mũine mũkeneete, amu Ngai Ũrĩa Mũtheru wa Isiraeli nĩ mũnene, na atũũraga hamwe na inyuĩ.”