Popular Bible Verses from Kĩambĩrĩria 49

Share

Mũthĩĩgi wa ũnene, nĩ Juda ũgũtũũra aũnyiitĩĩte, na njiarwa ciake nĩcio igũtũũra ciathanaga. Andũ a ndũũrĩrĩ nĩmakaamũreehera iheeo, na mainamĩrĩre mbere yake menyiihĩĩtie.

“Josefu ahaana ta rũhonge rũrĩa rũciaraga wega; ahaana ta rũhonge rũrĩa rũciaraga wega rwĩ rũteereinĩ rwa gĩthima; honge ciake itaambaga rũthingo igũrũ. Thũ ciake nĩciamũtharĩkĩire i na ũũru mũingĩ mũno, ikĩmũteng'eria i na ũta na mĩguĩ.

No ũta wake ũgĩikara wĩgaathĩĩte, namo mooko maake magĩĩkĩrwo hinya nĩ mooko ma Ngai wa Jakubu Ũrĩa Ũrĩ Hinya, o we Mũrĩithi na Mũgitĩri wa Isiraeli. Nĩ Ngai wa thooguo ũrĩgũteithagia; Ngai Mwene Hinya Wothe nĩ we ũrĩkũraathimaga na iraathimo cia mbura kuuma igũrũ, cia maaĩ marĩa me rungu rwa thĩ, na cia ng'ombe nyingĩ na ciana nyingĩ.

“Wee Juda-rĩ, aariũ a thooguo nĩmagaagũkumia. Nĩũkaanyiita thũ ciaku ngingo. Aariũ a thooguo nĩmagaakũinamĩrĩra. “Juda ahaana ta mũrũũthi, ũrĩa ũũragaga gĩa kũrĩa, ũgacooka kĩmaamoinĩ kĩaguo, ũkeyaragania ũgakoma. Gũtirĩ o na ũ ũgeragia kũũkĩria.

“Wee Reubeni-rĩ, nĩ we irigithaathi rĩakwa, na hinya wakwa; nĩ we mwana wa mbere wa hinya wakwa. Nĩ we mũũriũ wakwa ũrĩa mwĩtĩi na ũrĩ hinya gũkĩra aariũ arĩa angĩ oothe aakwa. Wee wagaagĩĩte o ta maaĩ me irũtũinĩ; ndũrĩ hĩndĩ ũgaakĩra arĩa angĩ, amu nĩwakomire na mũtumia wakwa wa kũigwo, ũgĩkĩgwatia ũrĩrĩ wa thooguo thaahu.