Popular Bible Verses from Ezira 1

Share

Na rĩĩrĩ, mwaka wa mbere rĩrĩa Cairasi aarĩ mũthamaki wa Perisia, MWATHANI agĩtũma ũhoro wake ũrĩa aarĩĩtie na kanua ka mũnabii Jeremia ũhinge. Agĩgĩtũma Cairasi arute watho awandĩkĩire bũrũri wothe ũrĩa aathamakaga ũthoomerwo andũ oothe ta ũũ

“Atĩrĩĩrĩ, ũyũ nĩguo watho ũrĩa Cairasi mũthamaki wa Perisia aathanĩĩte. MWATHANI, o we Ngai wa igũrũ, nĩanduĩte mũthamaki wa gũthamaka gũũkũ guothe, na akaahe wĩra wa kũmwakĩra Hekaarũ, kũu Jerusalemu bũrũriinĩ wa Juda. Tondũ ũcio, MWATHANI Ngai aroikara na inyuĩ inyuothe arĩa mũrĩ aake. Umagaraai mũthiĩ Jerusalemu mũgaake Hekaarũ ya MWATHANI Ngai wa Isiraeli rĩngĩ, o Ngai ũcio ũthaathayagio kũu Jerusalemu.