Popular Bible Verses from Kohelethu 11

Share

Wee mũndũ mwĩthĩ, kenagĩra wĩthĩ waku, matukũinĩ ma wĩthĩ waku ũikarage ũcanjamũkĩĩte. Ĩkaga ũrĩa ũkwenda, na ũhingagie wendi wa ngoro yaku, no ũmenyage wega atĩ Ngai nĩagaagũciirithia nĩ ũndũ wa ũrĩa wothe wĩkaga.

Eheria kĩeha gĩothe ngoroinĩ yaku, na weherie mathĩĩna moothe mwĩrĩinĩ waku. Amu ũnyiinyi na wĩthĩ no cia tũhũ.

Mũndũ ũrĩa ũcũũthagĩrĩria rũhuuho ndangĩhanda, na mũndũ ũrĩa ũroraga matu ndangĩgetha.

O ta ũrĩa ũtooĩ ũrĩa mũtumia oohaga nda, kaana gakaambĩrĩria gũkũra karĩ thĩinĩ wa nda yake, noguo ũtooĩ wĩra wa Ngai ũrĩa wombire indo ciothe.

Handa rũũciinĩ na hwaĩinĩ, amu ndũũĩ kana nĩ cia rũũciinĩ kana cia hwaĩinĩ ingĩagĩra, kana nĩ ciothe.

Cigayanie maita maingĩ ũcionjorithie haaha na haarĩa, amu ndũũĩ mũtino ũrĩa ũngĩoneka gũũkũ thĩ.