Popular Bible Verses from Gũcookerithia Maathani 31

Share

Gĩai na hinya na mũũmĩrĩrie, na mũtikaanetigĩre kana mũmakio nĩcio; nĩ gũkorwo MWATHANI Ngai wanyu arĩ hamwe na inyuĩ. Ndangĩmũtiganĩria kana amũrekererie.”

Naake MWATHANI nĩegũgũtongoria, na nĩegũkorwo hamwe nawe. Ndegũgũtiganĩria, o na kana akũrekererie, nĩ ũndũ ũcio ndũkaanetigĩre kana ũmake.”

Naake Musa agĩgĩĩta Joshua, akĩmwarĩria Aisiraeli oothe makĩiguaga akĩmwĩra atĩrĩ, “Gĩa na hinya na ũũmĩrĩrie, nĩ gũkorwo nĩ we ũgũtongoria andũ aya nĩguo makeegwatĩre bũrũri ũrĩa MWATHANI eerĩire maithe maao atĩ nĩakaamahe. Nawe nĩwe ũkaamagayania bũrũri ũcio.