Popular Bible Verses from 1 Athamaki 17

Share

Nĩ gũkorwo MWATHANI Ngai wa Isiraeli aroiga atĩrĩ, ‘Mbakũri yaku ndĩkaaga mũtu, nayo cuuba yaku ndĩkaaniara maguta, o nginya rĩrĩa niĩ MWATHANI ngoiria mbura.’ ”

Na rĩĩrĩ, mũnabii wetagwo Elija woimĩĩte itũũra rĩa Tishibi bũrũriinĩ wa Gileadi akĩĩra Ahabu atĩrĩ, “Rĩĩtwainĩ rĩa MWATHANI Ngai wa Isiraeli, ũrĩa ũtũũraga muoyo, o we ndungataga, ndoiga atĩ gũtigũcooka kũgĩa ime kana mbura mĩaka ĩno ĩrooka o nginya rĩrĩa ngoiga.”

Naake Elija akĩmwĩra atĩrĩ, “Tiga kũmaka, thiĩ wĩke o ta ũguo woiga. No rĩĩrĩ, amba ũthondekere kamũgate kaniini ũndeehere, ũcooke ũruge ũcio ũngĩ mũrĩe na mwana waku.

Naake mũtumia ũcio akĩmũcookeria atĩrĩ, “O ta ũrĩa MWATHANI Ngai waku atũũraga-rĩ, ndirĩ o na keenyũ ka mũgate. Kĩrĩa ndĩ nakĩo, no kamũtu ka iruga rĩmwe karĩ mbakũriinĩ na tũguta tũniini twĩ na cuuba. Nyuma kuuna ngũ, njooke nduge kamũtu kau tũrĩe na mwana wakwa, tũcooke tũkue nĩ ng'aragu.”

“Rĩu ũkĩra ũthiĩ itũũra rĩa Zarefathu bũrũri wa Sidoni ũgatũũre kuo. Na rĩĩrĩ, nĩnjathĩĩte mũtumia wa ndigwa ũtũũraga kuo akũheage irio.”

Ningĩ o ta ũrĩa MWATHANI aarĩĩtie na kanua ka Elija, mbakũri ĩyo ndĩagaga mũtu kana cuuba ĩkaniara maguta.

Naake mũtumia ũcio wa ndigwa agĩthiĩ, agĩĩka o ta ũguo Elija aamwĩrire, na oothe makĩrĩa irio icio matukũ maingĩ.

Tondũ ũcio, Elija agĩgĩthiĩ Zarefathu, na akinya kĩhingoinĩ gĩa itũũra, akĩona mũtumia wa ndigwa akiuna ngũ. Akĩmwĩra atĩrĩ, “Ndagũthaitha tahe maaĩ nyue.”

Ũrĩnyuaga maaĩ moimĩĩte karũũĩinĩ kau, ningĩ nĩndaatha mahuru makũreehagĩre irio kuo.”

Na rĩĩrĩ, rĩrĩa aathiaga kũmũgĩrĩra maaĩ, akĩmwĩta akĩmwĩra atĩrĩ, “Ndagũthaitha ũndeehere o na keenyũ ka mũgate.”

Namo mahuru makamũreehagĩra mĩgate na nyama rũũciinĩ o na hwaĩinĩ, naake akanyuaga maaĩ ma karũũĩ kau.

Na rĩĩrĩ, thuutha wa ihinda iniini karũũĩ kau gakĩhũa tondũ gũtioiraga.

Naake mũtumia ũcio akĩmwĩra atĩrĩ, “Rĩu nĩndamenya atĩ wĩ mũndũ wa Ngai na atĩ MWATHANI nĩakũhũthagĩra akĩaria!”

Naake Elija agĩathĩkĩra watho wa MWATHANI agĩgĩthiĩ agĩtũũra hakuhĩ na karũũĩ ga Kerithu.

Naake MWATHANI agĩcookia ihooya rĩa Elija, mwana ũcio agĩcooka muoyo rĩngĩ.