Popular Bible Verses from Jesaja 1

Share

Kom, lat oss gjera opp vår sak! seier Herren. Om syndene dykkar er som purpur, skal dei verta kvite som snø; om dei er raude som skarlak, skal dei verta kvite som ull.

Er de viljuge og lyder, skal de få eta det gode i landet.

Lær å gjera godt, legg vinn på det som rett er! Vis valdsmannen den vegen han skal gå, hjelp den farlause til hans rett, ta dykk av enkjers sak!

Men er de uviljuge og trassige, skal de verta oppetne av sverd. Dette er ordet frå Herrens munn.

Vaska dykk, reinsa dykk! Få dykkar vonde gjerningar bort frå augo mine! Hald opp med å gjera det som vondt er!

Når de breier ut hendene, gøymer eg augo mine for dykk. Kor mykje de bed, så høyrer eg ikkje. Hendene dykkar er fulle av blod.

Kom ikkje meir med gagnlause gåver! Offerrøyken er ein styggedom for meg. Nymåne og sabbat, lysing til stemner – eg toler ikkje vondskap og høgtid saman.

Ein okse kjenner sin eigarmann, og eit esel krubba åt herren sin. Men Israel kjenner ingen ting, mitt folk er utan skjøn.

Eg hatar dykkar nymånedagar og høgtider. Dei har vorte meg ei bør, som eg er trøytt av å bera.